ءبىرجان سالدىڭ ۇكىلى ىبىرايعا بەرگەن باعاسى قانداي؟

None
استانا. قازاقپارات - ۇكىلى ىبىرايدىڭ ءبىرجان سالدى، اقان سەرىنى ۇستاز تۇتقانى بەلگىلى. ءبىرجان ۇكىلى ىبىرايدىڭ ونەرپازدىعىن جوعارى باعالاعان.

ءبىرجان سال جاس ىبىرايدى العاش رەت تىڭداعاندا اقان سەرىگە قاراپ: «اقانجان-اي، ەرتىپ كەلگەن شاكىرتىڭە قانىقتىم، شىن باقىتتى جان ەكەنسىڭ: قازاقتا جىلقىنىڭ پەرىسى قۇلاگەر ساعان بۇيىرسا، اقىننىڭ پەرىسى وسى ءىنىڭ بولار. قازاق انىندە ءوزىم جەكە-دارا تۇرمىن، وزگەلەرگە ىبىراي جەتكىزبەس»، - دەپتى.

بۇل ءسوزدى حالىق اقىنى مولداحمەت تىربي ۇلى بۇگىنگە جەتكىزدى. كەيىن وسىعان ۇقساس ءسوزدى ايگىلى ادەبيەت زەرتتەۋشىسى ە.سمايىلوۆ تا جازادى. ەسماعامبەت سمايىلوۆ: «ىبىراي - شىن مانىندەگى ۇلى ونەرپاز»، - دەيدى ءوز ەستەلىكتەرىندە.

سوڭعى جاڭالىقتار