قازاق تاريحىندا قانشا قويان جۇتى بولعان؟

استانا. قازاقپارات - قازاق تاريحىندا ايگىلى قويان جۇتتارى بولعانىن بىلەمىز. ولاردىڭ قانشاسى بەلگىلى، قاي جۇتتا قانشا مال قىرىلعان؟

تاريحشىلار ءار 36 جىل سايىنعى قويان جىلى قاتتى بولىپ، سونىڭ كەسىرىنەن ەلدى جۇت جايلاعاندىعىن ايتادى. سوناۋ ارعىسىن ايتپاعاندا، 1867-1868- جىلدارى «جالپاق قويان جۇتى»، 1879-1880- جىلدارى «ۇلى قويان جۇتى»، 1891-1892 - جىلدارى «كىشى قويان جۇتى»، سونداي-اق 1915-1916- جىلدار ارالىعىندا «تاقىر قويان جۇتى» بولىپتى.

وسىلاردىڭ ىشىندە ەڭ اۋىر سوققانى «ۇلى قويان جۇتى» بولسا كەرەك، وندا باتىس قازاقستان، ورتالىق قازاقستان، وڭتۇستىك قازاقستاندا بۇرىن-سوڭدى بولماعان جۇت جايلاپ، ورالدا - 80 پايىز، ىرعىز بەن تورعايدا - 59 پايىز، سىرداريادا 56 پايىز مال قىرىلعان. سالىستىرمالى تۇردە العاندا، 1916- جىلعا دەيىن قازاق جەرىندە 3 ميلليون 174 مىڭ جىلقى، 365 مىڭ ءىرى قارا، 10،5 ميلليون قوي بولسا، 1915-16- جىلعى «تاقىر قويان جۇتىنان»، قازان دۇربەلەڭىنەن سوڭ، 1918 - جىلعى پاۆلودار ۋەزىندەگى جىلقى جۇتىنان سوڭ، 1922 - جىلعى ساناقتا قازاق جەرىندەگى جىلقى سانى 1 ميلليون 892 مىڭعا، قوي باسى 2،5 ميلليونعا ءتۇسىپ كەتكەن. (احمەت توقتاباي، «قازاق جىلقىسىنىڭ تاريحى» ەنسيكلوپەدياسىنان).