

شەتەلدە بولعان تاعى ءبىر ءزىلزالا شىمكەنت پەن تارازدا، تۇركىستان وبلىسىندا سەزىلدى
استانا. قازاقپارات – ق ر توتەنشە جاعدايلار مينيسترلىگىنە قاراستى سەيسميكالىق ستانسالار جەلىسى 23 -ناۋرىز كۇنى ساعات 02:07 كەزىندە جەر سىلكىنىسىن تىركەدى، دەپ حابارلايدى قازاقپارات.
ۆەدومستۆو تاراتقان دەرەككە قاراعاندا، جەراستى ءدۇمپۋىنىڭ وشاعى الماتىدان وڭتۇستىك- باتىسقا قاراي 740 شاقىرىم قاشىقتىقتا، تاجىكستان اۋماعىندا ورنالاسقان.
«جەر سىلكىنىسىنىڭ ەنەرگەتيكالىق كلاسى - 14.1. MPV ماگنيتۋداسى - 6,5. تەرەڭدىگى - 25 شاقىرىم»، - دەپ جازدى ستانسانىڭ كەزەكشى ديسپەتچەرى.
م س ك-64 شكالاسى بويىنشا ءزىلزالا قازاقستاننىڭ شىمكەنت، تاراز قالالارىندا، تۇركىستان وبلىسىندا 2-3 بالل شاماسىندا سەزىلگەن.
ەسكە سالا كەتەيىك، وسىدان ەكى كۇن بۇرىن اۋعانستانداعى جەر سىلكىنىسى قازاقستاننىڭ 5 وڭىرىنە اسەر ەتكەن بولاتىن.
ول كەزدە دە تابيعات اپاتىنىڭ كۇشى 3 باللعا دەيىن جەتتى.
اۆتور
جانات قاپالبايەۆا
جاڭالىقتار



















