شىمكەنتتەگى ەتنواۋىلدا ەكى مىڭ ليتر ناۋرىز كوجە تاراتىلدى

شىمكەنت. قازاقپارات - شىمكەنتتە ناۋرىز مەرەكەسى تويلانىپ جاتقان ەتنواۋىلدا 160 كيىز ءۇي تىگىلىپ، ۇلتتىق قۇندىلىقتارىمىز ۇلىقتالدى، دەپ حابارلايدى قازاقپارات ءتىلشىسى.

دۋماندى مەرەكەگە كەلگەن قوناقتار ارنايى ازىرلەنگەن ناۋرىز كوجەدەن ءدام تاتتى. ەتنواۋىلدا 2 توننا كوجە ءپىسىرىلىپ، قوناقتارعا تاراتىلدى.

«ءبىز ناۋرىز مەرەكەسىن تويلاۋ ءۇشىن شىمكەنتكە ارنايى كەلدىك. شىمكەنتتىڭ ادامدارى دا اۋا رايى سەكىلدى جىلى ەكەن. بۇگىنگى يپپودرومداعى مەرەكە جوعارى دەڭگەيدە ۇيىمداستىرىلعان. جىل سايىن ناۋرىزدى وسىندا تويلاۋدى جوسپارلاپ وتىرمىز»، - دەيدى پەتروپاۆل وبلىسىنان كەلگەن قوناق فاتيما قادىروۆا.

سونداي- اق، قازاقتىڭ ۇلتتىق ويىندارىنان كوكپار، تەڭگە ءىلۋ، الامان بايگە، قازاق كۇرەسى جانە ساداق اتۋ سايىستارى ءوتتى. ۇلتتىق سپورتتان باسەكە قىزىپ، التىباقاندا تەربەلگەن جاستار ءان سالدى.

ناۋرىز مەرەكەسى اياسىندا بارماعىنان بال تامعان اسپازدار دا سىنعا ءتۇستى.

«فەستيۆال اياسىندا قالاعا تانىمال 50-گە جۋىق تاماقتانۋ ورنى - مەيرامحانا، كوفەحانا، سامساحانالار، فاست- فۋد، بالمۇزداق، شايحانالار قاتىسىپ، وزدەرىنىڭ اۆتورلىق مازىرلەرىن ۇسىندى. ەكى كۇن بويى سايىسقا تۇسكەن اسپازدار «ناۋرىزكوجە»، «كاۋاپ»، «پالاۋ» جانە «سامسا» نوميناتسيالارى بويىنشا ۇزدىكتەردى انىقتادى. سونداي- اق، كەلگەن قوناقتارعا قالامىزدا داستۇرگە اينالعان «شىمكەنت ءشايى» تاراتىلدى.

اۆتور

اينۇر اقبايەۆا