رامازان ايىندا ەلوردادا تەگىن اۆتوبۋس قاتىنايدى

استانا. قازاقپارات - رامازان ايىنا وراي ەلوردادا ءبىرقاتار باعداردا تەگىن اۆتوبۋس قاتىنايدى، دەپ حابارلايدى قازاقپارات ءتىلشىسى.

«22- ناۋرىزدان باستاپ قاسيەتتى رامازان ايىندا ارنايى تەگىن باعدارلار ۇيىمداستىرىلادى. سىزگە ىڭعايلى بولۋ ءۇشىن باعدارلار تاراۋيح ناماز اياقتالعاننان كەيىن قالا مەشىتتەرىنەن بىرنەشە باعىتتا جۇرەدى»، - دەلىنگەن City Transportation Systems كومپانياسىنىڭ Instagram پاراقشاسىندا جاريالانعان اقپاراتتا.

ناقتىراق ايتقاندا، «رەسپۋبليكالىق باس مەشىت» مەشىتىنەن جۇرەتىن اۆتوبۋس باعىتى «سەليننىي» ىقشام اۋدانى، گرەبنوي كانال، رەسپۋبليكا داڭعىلى؛ «ازىرەت سۇلتان» مەشىتىنەن جۇرەتىن اۆتوبۋس باعىتى «سپۋتنيك» سۋپەرماركەتى، تەمىر جول ۆوكزالى، «كوكتال-1، 2» تۇرعىن ءۇي الابى؛ «ءابۋ ناسىر ءال-فارابي» مەشىتىنەن جۇرەتىن اۆتوبۋس باعىتى «كوكتال-1، 2» تۇرعىن ءۇي الابى، تەمىر جول ۆوكزالى، مەديتسينالىق كوللەدج؛ «ءسادۋاقاس قاجى گيلماني» مەشىتىنەن جۇرەتىن اتۆوبۋس باعىتى «كوكتال-1، 2» تۇرعىن ءۇي الابى، «كيرپيچنىي» تۇرعىن ءۇي الابى؛ «راقىم قىزى رايسا انا» مەشىتىنەن جۇرەتىن اۆتوبۋس باعىتى «راحمەت» ساۋدا ورتالىعى ارقىلى وتەدى.

ەسكە سالساق، بيىل رامازان ايى 23- ناۋرىزدا باستالادى.