پارلامەنتتە ءۇش جاڭا پارتيا: ولاردىڭ اراسىندا وپپوزيتسيالىق پارتيادا بار

استانا. قازاقپارات - سايلاۋ ناتيجەسى بويىنشا پارلامەنت ماجىلىسىنە التى پارتيا وتەدى، ونىڭ ىشىندە ءۇش پارتيا العاش رەت ماجىلىستە بوي كورسەتەدى.

ولار - «اۋىل» حالىقتىق-دەموكراتيالىق پارتياسى، «Respublica» پارتياسى جانە پارلامەنتتەگى العاشقى وپپوزيتسيالىق پارتيا جالپىۇلتتىق سوتسيال- دەموكراتيالىق پارتيا، دەپ حابارلايدى قازاقپارات ءتىلشىسى.

جالپى ۇلتتىق سوتسيال-دەموكراتيالىق پارتيا 2006 -جىلى 10-قىركۇيەكتە ءبىر توپ ەل ازاماتتارىنىڭ باستاماسىمەن قۇرىلعان جانە 2007 -جىلى 25-قاڭتاردا تىركەلگەن. ەلىمىزدىڭ بارلىق وبلىستارىندا جانە استانا، شىمكەنت جانە الماتى قالالارىندا پارتيانىڭ فيليالدارى بار. جسدپ ءتوراعاسى - ازات راحىمجانوۆ.

پارتيانىڭ قىزمەتى ەرىكتىلىك، تەڭدىك، ءوزىن-ءوزى باسقارۋ، زاڭدىلىق جانە جاريالىق قاعيداتتارىنا نەگىزدەلگەن. پارتيا قولدانىستاعى زاڭنامادا بەلگىلەنگەن شەكتەۋلەردى قوسپاعاندا، ءوزىنىڭ ىشكى قۇرىلىمىن، ماقساتتارىن، مىندەتتەرىن، قىزمەت نىساندارى مەن ادىستەرىن دەربەس انىقتايدى.

وتكەن جىلى جسدپ پارتياسىنىڭ كانديداتى پرەزيدەنت سايلاۋىنا قاتىسقان ەدى. سول كەزدە پارتيا نۇرلان اۋەسبايەۆتىڭ كانديداتۋراسىن ۇسىندى. سايلاۋ قورىتىندىسى بويىنشا وعان 176116 ادام نەمەسە سايلاۋشىلاردىڭ %2,22 داۋىس بەرگەن.

«اۋىل» حالىقتىق-دەموكراتيالىق پاتريوتتىق پارتياسى 2015 -جىلى 5-قىركۇيەكتە «اۋىل» قازاقستاندىق سوتسيال-دەموكراتيالىق پارتياسى مەن قازاقستان پاتريوتتارى پارتياسىنىڭ بىرىگۋى ارقىلى قۇرىلعان. پارتيا ءتوراعاسى – ق ر پارلامەنتى سەناتىنىڭ دەپۋتاتى ءالي بەكتايەۆ.

پارتيا قىزمەتىنىڭ باستى وزەگى اۋىل، اگروونەركاسىپتىك كەشەن پروبلەمالارىن، اۋىل حالقىن الەۋمەتتىك قامسىزداندىرۋ ماسەلەلەرىن شەشۋ بولدى جانە وسىلاي قالا بەرەدى. «اۋىل» پارتياسى دا ءوز كانديداتى جيگۋلي دايرابايەۆتى پرەزيدەنتتىككە ۇسىنعان ەدى. وندا «اۋىل» كانديداتىنا 271641 سايلاۋشى نەمەسە %3,42 داۋىس بەردى.

سايلاۋ الدىندا پارتيا قاتارىنا ق ر پرەزيدەنتتىگىنە كانديدات بولعان قاراقات ابدەن دە قوسىلدى. وتكەن جىلى سايلاۋدا قاراقات ابدەنگە 206000 نەمەسە سايلاۋشىلاردىڭ %2,6 سەنىم بىلدىرگەن.

«Respublica» پارتياسى بيىل 18-قاڭتاردا قۇرىلدى. پارتيا ءتوراعاسى - ايداربەك قوجانازاروۆ.

«Respublica» پارتياسى زاماناۋي جانە جوعارى تەحنولوگيالىق ۇلتتىق ەكوجۇيەنى قۇرۋ باستاماسىن كوتەردى. پارتيا ءوزىن قوعامدىق ءومىردىڭ بارلىق سالالارىندا قۇرىلىمدىق وزگەرىستەرگە باعىتتالعان مەتا- پارتيا رەتىندە كورسەتەدى.

پارتيا وكىلدەرى سەنىمدى، گۇلدەنگەن جانە ءادىل مەملەكەتتە - اركىم ادال ەڭبەك ەتىپ، لايىقتى تابىس تابا الاتىن، دەنى ساۋ جانە ءبىلىمدى جاستارى بار جانە ءوز ەلىن ماقتان تۇتاتىن ەركىن ادامدار ەلىندە تۇرعىسى كەلەتىنىن ايتادى

بۇعان دەيىن ورتالىق سايلاۋ كوميسسياسى ق ر پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىنىڭ الدىن الا ناتيجەسىن جاريالاعان ەدى.