تۇركىستاندا تۇڭعىش رەت يمامدار ساياباعى اشىلادى

تۇركىستان. قازاقپارات - قاسيەتتى رامازان ايىندا تۇركىستان قالاسىندا يمامدار ساياباعى اشىلادى.

بۇل تۋرالى تۇركىستان قالاسىنىڭ باس يمامى مۇحاممەدجان جۇمادۋللايەۆ مالىمدەدى، دەپ حابارلايدى قازاقپارات ءتىلشىسى.

جاڭا ساياباق رامازان ايىنىڭ العاشقى ونكۇندىگىندە پايدالانۋعا بەرىلمەك. وندا يسلام ءدىنىنىڭ كەڭ تارالۋىنا ۇلەس قوسقان ەل ازاماتتارىنىڭ ەسىمدەرى جازىلعان تاقتايشالار ورناتىلاتىن بولادى. سونداي-اق، ولار تۋرالى ارنايى كىتاپ جارىق كورىپ، اس بەرىلەدى.

«كوپتەگەن شارۋانى حالىقپەن، ەلمەن بىرگە اتقارىپ كەلە جاتىرمىز. وتكەن جىلعى رامازان ايىندا ق م د ب «زەكەت» قايىرىمدىلىق قورى ارقىلى تۇرعىن ۇيگە مۇقتاج وتباسىلارعا 16 ءۇي بەرىلگەن بولاتىن. بيىل بۇل كورسەتكىشتى كوبەيتۋدى جوسپارلاپ وتىرمىز. سونىمەن قاتار ازىق-تۇلىكپەن قامتۋ دا جوسپارىمىزدا بار»، - دەدى مۇحاممەدجان جۇمادۋللايەۆ.

قازىرگى تاڭدا تۇركىستان قالاسىندا 33 مەشىت، 28 نامازحانا بار. ودان بولەك، تۇركىستانعا تارتۋ رەتىندە وزبەكستان ەلى ۇلكەن مەشىتتىڭ قۇرىلىسىن جۇرگىزىپ جاتىر. ولدا جىل سوڭىنا دەيىن پايدالانۋعا بەرىلەدى دەپ جوسپارلانىپ وتىر.