07:25, 21 - ناۋرىز 2023 | GMT +6
ەلىمىزدىڭ باسىم بولىگىندە اشىق اۋا رايى ساقتالادى
استانا. قازاقپارات - قازگيدرومەت ەل اۋماعىندا 21-ناۋرىزدا بولاتىن قاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى قازاقپارات.
«اتموسفەرالىق فرونتالدى بولىكتەردىڭ وتۋىنە بايلانىستى رەسپۋبليكانىڭ وڭتۇستىگىندە تۇراقسىز اۋا رايى ساقتالادى. تۇندە وڭتۇستىكتە قاتتى جاۋىن-شاشىن (جاڭبىر، قار) جاۋادى، ال ەلىمىزدىڭ باسىم بولىگىندە انتيتسيكلون جىراسىنىڭ اسەرىنەن جاۋىن- شاشىنسىز اشىق اۋا رايى بولادى.
رەسپۋبليكا بويىنشا تۇمان ساقتالادى، باتىستا، وڭتۇستىك جارتىسىندا جەل كۇشەيەدى، كۇندىز باتىستا - شاڭدى داۋىل، ەلدىڭ وڭتۇستىگىندە - نايزاعاي كۇتىلەدى»، - دەپ جازدى ۆەدومستۆو.