تىرناقتاعى داق ءتۇسى اعزاعا قاي دارۋمەن جەتىسپەيتىنىن كورسەتەدى

استانا. قازاقپارات - بەت تەرىسىنىڭ ءتۇسى، قابىنعان ءتىل جانە باسقا دا بەلگىلەر جۇيكە جۇيەسىنە جانە وتتەك پەن كومىرقىشقىل گازىن تاسىمالداۋعا جاۋاپ بەرەتىن ەريتروتسيتتەردىڭ وڭدەلۋىنە اسا قاجەت В12 دارۋمەنىنىڭ جەتىسپەۋشىلىگىن كورسەتۋى مۇمكىن.

В12 دارۋمەنى اسقورىتۋ فەرمەنتتەرىنىڭ وڭدەلۋىنە ىقپال ەتەدى، جاسۋشالارعا قورەكتىك زاتتاردى تاسىمالداۋمەن قامتاماسىز ەتەدى. ول مي جانە جۇيكە جۇيەسى جۇمىسىن قالىپتا ۇستاۋعا قاجەت. ونىڭ جەتىسپەۋشىلىگى جۇمىسقا قابىلەتتىلىكتى، زەيىن قويۋدى جانە جان-دۇنيەنىڭ تەپە-تەڭدىگىن ناشارلاتادى.

В12 دارۋمەنىنىڭ نەگىزگى قورى باۋىردا بولادى. В12 دارۋمەنىنىڭ جەتىسپەۋشىلىگى ونىڭ تاماقتان جەتكىلىكتى الىنباۋىمەن جانە دارۋمەننىڭ دۇرىس سىڭبەۋىمەن بايلانىستى بولۋى مۇمكىن.

بريتاندىق دارىگەرلەردىڭ ايتۋىنشا، В12 دارۋمەنىنىڭ جەتىسپەۋشىلىگىن كورسەتەتىن بەلگى بار. ونىڭ جەتىسپەيتىنىن تىرناقتا پايدا بولاتىن داقتار ەسكەرتە الادى. ولار كوك، سۇر نەمەسە ءتىپتى، قارا ءتۇستى بولۋى مۇمكىن. ولار اۋىرمايدى جانە ەشقانداي جاعىمسىز سەزىمدەر سىيلامايدى.

«В12 دارۋمەنىنىڭ دەڭگەيى از ناۋقاستاردا بايقالاتىن تىرناق بەتىندەگى قالىپتان تىس پيگمەنتتەلۋى، ادەتتە، كوك- قارا ءتۇستى بولادى. تىرناقتارداعى، اسىرەسە، باس بارماق تىرناعىنىڭ پيگمەنتتەلۋى ايقىن كورىنىپ تۇردى»، - دەدى بريتاندىق ساراپشىلار.

سونىمەن قاتار، تىرناقتا جولاقتار پايدا بولادى. بۇل دا В12 دارۋمەنى جەتىسپەۋشىلىگىنىڭ بەلگىسى.

В12 دارۋمەنى جەتىسپەۋشىلىگىنىڭ بەلگىلەرى:

- بۇلشىقەت السىزدىگى؛

- اياق-قولدىڭ شانشۋى؛

- جارالاردىڭ ۇزاق جازىلۋى؛

- انەميا؛

- ەتەككىر سيكلىنىڭ بۇزىلۋى؛

- شاشتىڭ ءتۇسۋى.