مەملەكەت باسشىسى يزرايل پرەزيدەنتى يتسحاك گەرتسوگپەن تەلەفون ارقىلى سويلەستى

استانا. قازاقپارات - يزرايل تاراپىنىڭ باستاماسىمەن مەملەكەت باسشىسى قاسىم-جومارت توقايەۆ يزرايل پرەزيدەنتى يتسحاك گەرتسوگپەن تەلەفون ارقىلى سويلەستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

يتسحاك گەرتسوگ قاسىم-جومارت توقايەۆ پەن قازاقستان حالقىن الداعى ناۋرىز مەيرامىمەن جانە قاسيەتتى رامازان ايىنىڭ باستالۋىمەن قۇتتىقتادى. ءوز كەزەگىندە مەملەكەت باسشىسى يزرايل پرەزيدەنتىنە قۇتتىقتاعانى ءۇشىن العىس ايتىپ، پەساح مەيرامى قارساڭىندا يزرايل حالقىنا اماندىق پەن باق-بەرەكە تىلەدى.

سونىمەن قاتار پرەزيدەنتتەر قازاقستان مەن ءيزرايلدىڭ ساۋدا-ەكونوميكا سالاسىنداعى ىنتىماقتاستىعىن نىعايتۋ پەرسپەكتيۆالارىن تالقىلادى. اڭگىمەلەسۋ بارىسىندا ەكىجاقتى تاۋار اينالىمىنىڭ كولەمى ارتا باستاعانى اتاپ ءوتىلدى.

سونداي-اق ەكى ەل اراسىندا مادەني-گۋمانيتارلىق بايلانىستاردى نىعايتۋ ماڭىزدىلىعى ايتىلدى.