زەينەتاقى جيناعى تۋرالى قايدان جانە قالاي بىلۋگە بولادى

None
استانا. قازاقپارات - قازاقستاندىقتارعا زەينەتاقى جارناسىنىڭ ۋاقىتىلى ءتۇسۋىن جانە مولشەرىنىڭ دۇرىستىعىن ۇنەمى قاداعالاپ وتىرۋعا كەڭەس بەرىلدى، دەپ حابارلايدى قازاقپارات ءتىلشىسى.

ءبىرىڭعاي جيناقتاۋشى زەينەتاقى قورىنىڭ مالىمەتىنشە، زەينەتاقى جيناعىنىڭ جاي-كۇيى تۋرالى مىنا جولدارمەن بىلۋگە بولادى:

- enpf.kz سايتىنداعى جەكە كابينەتتە نەمەسە ب ج ز ق ۇيالى قوسىمشاسىندا 24/7 رەجيمىندە؛

- egov.kz ەلەكتروندىق ۇكىمەت پورتالىندا 24/7 رەجيمىندە؛

- سالىمشى (الۋشى) ب ج ز ق كەڭسەلەرىنە جەكە ءوزى جۇگىنگەن كەزدە؛

- ەلەكتروندىق پوشتا ارقىلى (كەستەگە سايكەس)؛

- پوشتا بايلانىسى قىزمەتتەرى ارقىلى (جىلىنا ءبىر رەت).

وتكەن جىلى ب ج ز ق- عا ۇسىنىلعان ەلەكتروندىق مەكەنجايعا وزدەرىنىڭ زەينەتاقى جيناقتارىنىڭ جاي-كۇيى تۋرالى حابارلاۋ ءتاسىلىن شامامەن 747 مىڭ ادام تاڭداعان. جيناقتاۋشى زەينەتاقى شوتىنان ءۇزىندى كوشىرمەلەردى ەلەكتروندىق پوشتا ارقىلى الۋعا نيەت بىلدىرۋشىلەر سانى 12 ايدا ازايىپ، 2023-جىلعى ناۋرىز ايىنىڭ باسىندا 24 مىڭ ادامعا ازايدى.

سونداي-اق، جىلىنا ءبىر رەت ءۇزىندى كوشىرمەسى بار پوشتا كونۆەرتىن العىسى كەلەتىن سالىمشىلاردىڭ (الۋشىلاردىڭ) سانى دا تەز قىسقارۋدا. ماسەلەن، 2014-جىلى شامامەن 4 ميلليون سالىمشى وسىنداي ءتاسىل ارقىلى شوتتارىنداعى جيناقتارىنىڭ مولشەرىن بىلگەن. ال سوڭعى 12 ايدا بۇل قىزمەتتى الۋشىلاردىڭ سانى نە ءبارى 84 مىڭ ادام بولدى.

قازىرگى ۋاقىتا ازاماتتاردىڭ باسىم كوپشىلىگى enpf.kz سايتىنداعى جەكە كابينەت جانە ب ج ز ق ۇيالى قوسىمشاسى ارقىلى ونلاين رەجيمىندە حابارلاۋ ءتاسىلىن قولدانادى. 2023-جىلعى 6- ناۋرىزىندا 6,4 ميلليون ادام حابارلاۋ ءتاسىلىن تاڭداعان. شامامەن 3,3 ميلليون سالىمشى اقپاراتتى تىكەلەي كەڭسەگە جۇگىنۋ ارقىلى الدى.

سوڭعى جاڭالىقتار