مەشىت اسحانالارىنىڭ قىزمەت اقىسىنان كىم سالىق تولەيدى

None
استانا. قازاقپارات - قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى ورتالىق كوممۋنيكاتسيالار قىزمەتىندە وتكەن بريفينگىدە مەشىت اسحانالارىنىڭ قىزمەت اقىسىنان كىم سالىق تولەيتىنىن ايتتى، دەپ حابارلايدى قازاقپارات ءتىلشىسى.

مەشىت جانىنداعى اسحانالاردا قۇدايى استار وتكىزىلگەنى ءۇشىن تۇرعىندار اقى تولەيدى. ونىڭ سالىعىن مەشىتتەر قالاي تولەپ وتىر»، - دەپ سۇرادى ب ا ق وكىلى.

باس ءمۇفتي مۇنىڭ ءبارى زاڭمەن رەتتەلگەنىن اتادى.

«كەيبىر مەشىتتەردىڭ جانىندا اسحانالارى بار. بۇل اسحانالاردى مەشىتتەر جەكە كاسىپكەر سياقتى ءتۇرلى فورماداعى مەكەمەلەرگە جالعا بەرەدى. ولار اسحانانى پايدالانعانى ءۇشىن مەشىتكە اقشا تولەيدى. مەشىت سول قاراجاتتان يمامداردىڭ جالاقىسىن، سۋ مەن جىلۋدىڭ اقىسىن تولەيدى. ال مەشىتتەن جالداپ العان اسحانالاردىڭ يەلەرى سالىقتى وزدەرى تولەيدى. مەملەكەتتىڭ وكىلەتتى ورگاندارى ولاردىڭ جۇمىسىن قاداعالايدى. ءبىزدىڭ جۇمىس - مەشىتتىڭ اسحاناسى بولسا، ولاردى پايدالاناتىن كىسىلەرگە قىزمەت كورسەتۋگە جالعا بەرۋ»، - دەدى باس ءمۇفتي.


سوڭعى جاڭالىقتار