14:34, 20 - ناۋرىز 2023 | GMT +6
شانحاي ىنتىماقتاستىق ۇيىمى سايلاۋعا قاتىستى ەسەپتىڭ نەگىزگى قورىتىندىسىن جاريالادى
استانا. قازاقپارات - شانحاي ىنتىماقتاستىق ۇيىمى باس حاتشىسىنىڭ ورىنباسارى گريگوري لوگۆينوۆ قازاقستانداعى سايلاۋ كەزىندە بايقاۋشىلار ميسسياسى جاساعان ەسەپتىڭ نەگىزگى قورىتىندىسىن جاريالادى، دەپ حابارلايدى قازاقپارات ءتىلشىسى.
«ءبىزدىڭ ميسسيا قازاقستان رەسپۋبليكاسى ءماجىلىسى مەن ءماسليحاتتارى دەپۋتاتتارىن سايلاۋ مەملەكەت زاڭناماسى تالاپتارىنا جانە ەل قابىلداعان حالىقارالىق مىندەتتەمەلەرگە سايكەس وتكەنىن جاريالاپ وتىر»، - دەدى گريگوري لوگۆينوۆ ەلورداداعى حالىقارالىق بايقاۋشىلارعا قولعابىس كورسەتۋ ورتالىعىندا وتكەن بريفينگىدە.
ونىڭ ايتۋىنشا، ۇيىم اتىنان كەلگەن ميسسيا سايلاۋدىڭ زاڭدىلىعىنا كۇمان كەلتىرەتىندەي ۇلتتىق زاڭناما نورمالارىن بۇزۋ فاكتىلەرىن انىقتاعان جوق.
«سوندىقتان 19- ناۋرىزداعى سايلاۋ دەموكراتيا قاعيداسىنا ساي ءوتتى دەپ مالىمدەيمىز. ش ى ۇ بايقاۋشىلارى ميسسياسىنىڭ قىزمەتىن قامتاماسىز ەتۋگە جاردەمدەسكەنى ءۇشىن قازاقستان رەسپۋبليكاسى سىرتقى ىستەر مينيسترلىگىنە جانە ورتالىق سايلاۋ كوميسسياسىنا العىسىمىزدى ايتتىق»، - دەدى گ. لوگۆينوۆ.