استانادان بۋرابايعا ۇلتتىق ناقىشتا بەزەندىرىلگەن ەلەكتر پويىزى قاتىناي باستادى

استانا. قازاقپارات - ناۋرىز مەيرامىنا وراي استانا - بۋراباي كۋرورتى باعىتىندا ۇلتتىق ناقىشتا بەزەندىرىلگەن ەلەكتر پويىزى قاتىناي باستادى. قازاقپارات بۇل تۋرالى «قازاقستان تەمىر جولىنىڭ» باسپا ءسوز قىزمەتىنە سىلتەمە جاساپ.

بەزەندىرىلگەن پويىز كۇن سايىن ءبىر اي بويى جۇرەدى. جىلجىمالى قۇرام تاڭەرتەڭ استانادان شىعادى.

جولاۋشىلاردى وتىرعىزۋ نۇرلى جول ۆوكزالىنان (جونەلتۋ ساعات 06.30-دا) جانە استانا-1 ۆوكزالىنان (جونەلتۋ ساعات 06:57-دە) ۇيىمداستىرىلادى. جول بويىندا قۇرام ءۇش ستانسيادا: اقكول، ەلتاي جانە ماكينكادا توقتايدى. مەرەكەلىك ەلەكتر پويىزى سوڭعى ستانتسياعا ساعات 09:51 دە كەلەدى.

«ساپار جايلى بولۋ ءۇشىن ۆاگوندار اۋا باپتايتىن قوندىرعىلارمەن، بيودارەتحانالارمەن جابدىقتالعان. پويىز جولاۋشىلارى ساپارلاۋ بارىسىندا ويىن- ساۋىق كونتەنت پەن پايدالى اقپاراتپەن جابدىقتالعان vputi.kz مۋلتيمەديالىق پورتالدى پايدالانا الادى»، - دەلىنگەن ق ت ج اقپاراتىندا.

ءمالىم ەتىلگەندەي، «ناۋرىز» ەلەكتر پويىزى - بۇل «جولاۋشىلار تاسىمالى» ا ق، ق ر پ ءى ب «بۋراباي دامۋ» ج ش س، مادەنيەت جانە سپورت مينيسترلىگى مەن «Kazakh Tourism» ۇلتتىق كومپانياسىنىڭ ىشكى تۋريزمدى ناسيحاتتاۋ ماقساتىندا جۇزەگە اسىرىلىپ وتىرعان بىرلەسكەن جوباسى.