10:40, 20 - ناۋرىز 2023 | GMT +6
مەملەكەت باسشىسى ەلەنا رىباكينانى جاڭا جەڭىسىمەن قۇتتىقتادى
استانا. قازاقپارات – ق ر پرەزيدەنتى قاسىم- جومارت توقايەۆ ەلەنا رىباكينانى قۇتتىقتادى، دەپ حابارلايدى قازاقپارات مەملەكەت باسشىسىنىڭ جەلىدەگى پاراقشاسىنا سىلتەمە جاساپ.
«ينديان- ۋەللستەگى بەدەلدى تۋرنيردە جارقىن جەڭىسكە جەتكەن ەلەنا رىباكينانى @lenarybakina قۇتتىقتايمىن! ءبىزدىڭ سپورتشىمىز اسقان شەبەرلىگىن، جەڭىسكە دەگەن مۇقالماس ەرىك- جىگەرىن جانە سپورتتاعى جوعارى مادەنيەت ۇلگىسىن كورسەتتى. ەلەنا الەمدەگى ۇزدىك كورتتاردا جاڭا جەتىستىكتەرگە جەتە بەرەدى دەپ سەنەمىن!»، - دەپ جازدى مەملەكەت باسشىسى جەلىدەگى پاراقشاسىندا.
ەسكە سالساق، ەلەنا رىباكينا العاش رەت ينديان- ۋەللس ماستەرس تۋرنيرىنىڭ چەمپيونى اتاندى. قازاقستاندىق تەننيسشى ەلەنا رىباكينا ينديان- ۋەللس (ا ق ش) تۋرنيرىندە جەڭىسكە جەتكەننەن كەيىن WTA رەيتينگىندە 7-ورىنعا كوتەرىلدى.