استانا مەن بەيجىڭ اراسىندا اۋە رەيسى كوبەيەدى

None
استانا. قازاقپارات - العاشقى ۇشاققا 110 ادام بيلەت العان، دەپ حابارلايدى «حابار 24». بۇل رەيس اپتاسىنا 1 رەت قاتىنايدى. جازدا اۋە قاتىناسى كوبەيەدى دەگەن جوسپار بار.

ەستەرىڭىزگە سالا كەتەيىك، قازاقستان مەن قىتاي استانالارىنىڭ اراسىنداعى اۋە رەيسى 2020 -جىلدىڭ ناۋرىزىندا پاندەمياعا بايلانىستى توقتاتىلعان بولاتىن. بۇگىندە جالپى ەكى ەلدىڭ اراسىنا اپتاسىنا 11 رەيس بار. كوروناۆيرۋسقا دەيىن ولاردىڭ سانى 30 دان كوپ بولاتىن. سونداي- اق ۆيزالىق شەكتەۋلەردى الۋ بويىنشا كەلىسسوز ءجۇرىپ جاتىر.

يسلام سەكەربەكوۆ، ايماقتىق اعا مەنەدجەر:

- بۇگىن بەيجىڭ- استانا رەيسىنىڭ جولاۋشىلارىن قۇشاق جايا قارسى الىپ تۇرمىز. 2020 -جىلدىڭ 4- ناۋرىزىنا دەيىن اپتاسىنا 4 رەت قاتىناعان بولاتىن. قىتاي ازاماتتارىنىڭ ءارتۇرلى ەلدەرگە ساياحاتتاۋ ەرەجەلەرىنە ەنگىزىلگەن سوڭعى وزگەرىستەر بويىنشا، قازاقستان تۋريستەر ۇشىپ بارا الاتىن ەلدەر تىزىمىنە ەندى. ناۋرىزدىڭ اياعىنان باستاپ بەيجىڭ- الماتى- بەيجىڭ رەيستەرىنىڭ سانى كوبەيەدى.


سوڭعى جاڭالىقتار