حالىقارالىق بايقاۋشى كوپپارتيالىق جۇيەنىڭ ارتىقشىلىعىن اتادى

استانا. قازاقپارات - كوپپارتيالىق جۇيە ەلدىڭ ساياسي ومىرىنە ەنۋى ءتيىس. مۇنداي پىكىردى ليتۆا رەسپۋبليكاسىنىڭ سەيمى ءتوراعاسىنىڭ ورىنباسارى يۋليۋس ساباتاۋسكاس ءبىلدىردى، دەپ حابارلايدى قازاقپارات ءتىلشىسى.

«ءبىز قازاقستانداعى رەفەرەندۋمنان كەيىن دەموكراتيالىق رەفورمالار ىسكە اسىرىلىپ، ادامداردا ءوز وكىلدەرىن پارلامەنتكە تىكەلەي سايلاۋ مۇمكىندىگى تۋعانىنا قۋانىشتىمىز. قازىر ۇمىتكەرلەر تەك پارتيالىق ءتىزىم بويىنشا عانا ەمەس، سونىمەن قاتار ءبىر مانداتتى وكرۋگتەر بويىنشا دا سايلانادى. تالاپقا ساي كەلەتىندەردىڭ ءبارى ءوز كانديداتۋرالارىن ۇسىنا الادى. ءبىز بارعان وكرۋگتەردە ۇمىتكەرلەردىڭ كوپ بولعانى قۋانتادى. ەندى ادامدار پارتياعا ەمەس، تىكەلەي سايلاۋشىعا تاۋەلدى بولادى»، - دەپ اتاپ ءوتتى يۋليۋس ساباتاۋسكاس.

سونىمەن بىرگە ول بيۋللەتەندەگى «بارلىعىنا قارسىمىن» جولاعىنا قاتىستى پىكىر ءبىلدىردى.

«ەگەر سايلاۋشىلار ءوز داۋىسىن بەرۋگە لايىقتى كانديداتتى نەمەسە پارتيانى تاپپاسا، بيۋللەتەندەردى ءبۇلدىرۋدىڭ قاجەتى جوق. سەبەبى، «بارلىعىنا قارسىمىن» باعانى بار. ناتيجەلەرگە كەلەتىن بولساق، قورىتىندى ەكىنشى كۇنى بىردەن شىقپايدى. ناتيجە قانشا جانە قانداي پارتيالاردىڭ سايلاناتىنىنا بايلانىستى بولادى. سوڭعى وزگەرىسكە ساي، پارتيالىق تىزىمدەر نەگىزىندە - %70، ءبىر مانداتتى وكرۋگتەر بويىنشا %30 ورىن قاراستىرىلعان. كوپپارتيالىق جۇيە ەلدىڭ ساياسي ومىرىنە تۇپكىلىكتى ەنۋى ءتيىس. سوندا ناقتى باسەكەلەستىك بولادى. ءبىراق پارلامەنتتىڭ ءاربىر شەشىمى ادامداردىڭ پىكىرىنە نەگىزدەلۋى كەرەك ەكەنىن اتاپ وتكەن ءجون»، - دەپ ءسوزىن تۇيىندەدى بايقاۋشى.

ەسكە سالايىق، بۇگىن قازاقستاندا ءماجىلىس پەن ءماسليحات دەپۋتاتتارىن سايلاۋ ءوتىپ جاتىر. 18:00 دەگى جاعداي بويىنشا سايلاۋشىلاردىڭ 53,11 پايىزى داۋىس بەرىپ ۇلگەردى.