رۋمىنيا قازاقستان ونىمدەرىنىڭ ەكسپورتىن ارتتىرۋ ءۇشىن ءوز پورتتارىن اشۋعا دايىن

None
استانا. قازاقپارات - رۋمىنيا پارلامەنتىنىڭ دەپۋتاتى بوريس ۆولوساتىي ەۋروپا ەكونوميكاسىن دامىتۋ تۇرعىسىندا قازاقستانمەن ىنتىماقتاستىقتى دامىتۋ ماقساتى قويىلعانىن ايتتى، دەپ حابارلايدى قازاقپارات ءتىلشىسى.

«رۋمىنيا ءۇشىن قازاقستان تابىستى سەرىكتەس رەتىندە قاراستىرىلىپ وتىر. ءبىزدىڭ قارا تەڭىزدەگى پورتتارىمىز قازاقستان ءۇشىن ەۋروپا نارىعىنا شىعاتىن الاڭ بولا الادى. سونىمەن قاتار، قازاقستان نارىعى رۋمىنيا مەن ەۋروپا ەكونوميكاسىنىڭ دامىتۋ تۇرعىسىندا تارتىمدى بولىپ تۇر»، - دەدى بوريس ۆولوساتىي ەلورداداعى حالىقارالىق بايقاۋشىلارعا قولعابىس كورسەتۋ ورتالىعىندا وتكەن بريفينگىدە.

ب. ۆولوساتىي قازاقستانداعى پارلامەنت دەپۋتاتتارىن سايلاۋ كەزەڭىنە حالىقارالىق بايقاۋشى رەتىندە كەلدى.

ونىڭ ايتۋىنشا، بۇگىندە قازاقستان دەموكراتيالىق باعىتتا ماڭىزدى قادام جاساپ، وڭتايلى رەفورمالاردى ىسكە اسىرىپ جاتىر.

«سايلاۋعا دايىندىق تىڭعىلىقتى جۇرگىزىلگەنى بايقالدى. سايلاۋ ۋچاسكەلەرىندە جۇمىس ىستەپ جاتقان ادامدار كۇردەلى سۇراقتارعا جاۋاپ بەرە الاتىن، سايلاۋ زاڭناماسىن بىلەتىن ماماندار ەكەنىنە كوزىم جەتتى»، - دەدى حالىقارالىق بايقاۋشى.

سوڭعى جاڭالىقتار