الماتىدا جەڭىل كولىك كوپىردەن قۇلاپ كەتتى

الماتى. قازاقپارات - الماتىدا رىسقۇلوۆ داڭعىلى مەن كۇدەرين كوشەسىندەگى كوپىردەن Toyota كولىگى قۇلاپ كەتتى.

سالدارىنان بىرنەشە ادام زارداپ شەكتى، دەپ حابارلايدى قازاقپارات ءتىلشىسى.

جول اپاتىنىڭ ۆيدەوسى الەۋمەتتىك جەلىگە تارادى.

الماتى قالالىق پوليتسيا دەپارتامەنتىنىڭ مالىمەتىنشە، رىسقۇلوۆ داڭعىلىنىڭ بويىمەن باتىس باعىتتا ءجۇرىپ كەلە جاتقان Volkswagen كولىگىنىڭ جۇرگىزۋشىسى مانيەۆر جاساۋ بارىسىندا Toyota كولىگىمەن سوقتىعىسقان. ول كوپىردىڭ تىرەگىنە سوعىلىپ، جولدان شىعىپ كەتىپ، اۋدارىلعان.

«Toyota كولىگىندە جۇرگىزۋشى مەن بەس جولاۋشى بولعان. ولار مەديتسينالىق تەكسەرۋدەن ءوتۋ ءۇشىن قالالىق اۋرۋحانالارعا جەتكىزىلدى. وقيعانىڭ ءمان-جايى تەرگەۋ بارىسىندا انىقتالاتىن بولادى»، - دەپ حابارلادى ۆەدومستۆودان.