توتەنشە جاعدايلار مينيسترلىگىنە ءبىرقاتار قوسىمشا قۇزىرەت بەرىلۋى مۇمكىن

استانا. قازاقپارات - توتەنشە جاعدايلار مينيسترلىگىنە ءبىرشاما قوسىمشا قۇزىرەت بەرىلۋى مۇمكىن. بۇل تۋرالى «اشىق» ن ق ا پورتالىندا جاريالانعان ۇكىمەت قاۋلىسىنىڭ جوباسىندا جازىلعان، دەپ حابارلايدى قازاقپارات ءتىلشىسى.

قۇجاتقا سايكەس، ەندى ۆەدومستۆوعا مىنا فۋنكتسيالار بەرىلەدى:

- ادامداردى قۇتقارۋ ءۇشىن جانە اسا قاجەت بولعان جاعدايدا توتەنشە جاعدايلار ايماعىنداعى ۇيىمداردىڭ بايلانىس، كولىك قۇرالدارىن، مۇلكى مەن وزگە دە ماتەريالدىق قۇرالدارىن پايدالانۋ قاعيدالارىن ازىرلەيدى جانە بەكىتەدى؛

- مىندەتتى تۇردە مەملەكەتتىك ەمەس ورتكە قارسى قىزمەت قۇرىلاتىن ۇيىمدار مەن وبەكتىلەردىڭ تىزبەسىن ازىرلەيدى جانە بەكىتەدى؛

- قالالاردى ازاماتتىق قورعانىس بويىنشا توپتارعا، ۇيىمداردى ازاماتتىق قورعانىس بويىنشا ساناتتارعا جاتقىزۋ جونىندەگى ولشەمشارتتاردى ازىرلەيدى جانە بەكىتەدى؛

- مەملەكەتتىك ماتەريالدىق رەزەرۆتىڭ ماتەريالدىق قۇندىلىقتارىن ساقتاۋعا ارنالعان وبەكتىلەردى ورنالاستىرۋ جانە سالۋ جونىندە شەشىمدەر قابىلدايدى؛

- تابيعي جانە تەحنوگەندىك سيپاتتاعى توتەنشە جاعدايلاردىڭ سىنىپتاماسىن بەلگىلەيدى؛

- ءوز قۇزىرەتى شەگىندە كليماتتىق قاتەرلەردەن بولاتىن دۇلەي ءزىلزالا تاۋەكەلدەرىن باعالاۋدى جۇرگىزەدى؛

- وبەكتىلىك كاسىبي اۆاريالىق-قۇتقارۋ قىزمەتتەرى مەن قۇرالىمدارىن قۇرۋ، ورنىن اۋىستىرۋ، قايتا بەيىندەۋ نەمەسە تاراتۋ تۋرالى ۇيىمدار باسشىلىعىنىڭ شەشىمدەرىن كەلىسەدى؛

- مەملەكەتتىك ماتەريالدىق رەزەرۆ سالاسىنداعى مەملەكەتتىك ساياساتتىڭ نەگىزگى باعىتتارىن ازىرلەيدى جانە ىسكە اسىرۋدى قامتاماسىز ەتەدى.

ۇكىمەت قاۋلىسىنىڭ جوباسى 5- ساۋىرگە دەيىن كوپشىلىك تالقىلاۋدا بولادى.