ا ق ش- تان كەلگەن بايقاۋشى: مەنى ادامداردىڭ ىنتا- ىقىلاسى قىزىقتىردى
ريچارد ۋيليام ۆەيتتستىڭ ايتۋىنشا، قازاقستانعا تاۋەلسىز بايقاۋشىلار ميسسياسىنان ءتورت ادام كەلگەن، ۇشەۋى استانادا جۇمىس ىستەپ جاتىر.
«ءبىزدىڭ باستى ماقساتىمىز - داۋىس بەرۋ پروتسەسىن كورۋ، سونىمەن قاتار ماڭىزدى تاعى ءبىر ماقسات - قازاقستانداعى ساياسي، ەكونوميكالىق، الەۋمەتتىك جاعداي كونتەكستىندە سايلاۋدى باقىلاۋ جانە باعالاۋ ءۇشىن كەڭىرەك كونتەكستتى قامتاماسىز ەتۋ»، - دەدى ول.
ريچارد ۋيليام ۆەيتتستىڭ پىكىرىنشە، قازاقستاندا ءوتىپ جاتقان ماڭىزدى ساياسي ناۋقانعا ا ق ش وكىلدەرىنىڭ بايقاۋشى بولۋى ماڭىزدى.
«ءبىز ترانسۇلتتىق لاڭكەستىكپەن كۇرەس، ايماقتىق قاقتىعىستاردى رەتتەۋ، ەكونوميكالىق رەسۋرستاردى يگەرۋ، الەۋمەتتىك- ەكونوميكالىق دامۋ سياقتى سالالاردا ىنتىماقتاسامىز»، - دەپ اتاپ ءوتتى اقش اتىنان كەلگەن بايقاۋشى.
پيكەر تۇسكە دەيىن 12- سايلاۋ ۋچاسكەسىنە بارىپ ۇلگەرگەن.
«مەنى بۇل سايلاۋدا حالىقتىڭ ىنتا- جىگەرى قىزىقتىردى. ويتكەنى تاۋەلسىز كانديداتتار، پلاكاتتار مەن ۇگىت-ناسيحات جۇمىستارى وتە كوپ. ازىرگە ەشقانداي زاڭبۇزۋشىلىقتى كورمەدىم، سايلاۋ تىنىش ءوتىپ جاتىر» ، - دەدى ريچارد ۋيليام ۆەيتتس.