ىقپالدى كانديداتتار ءوتىپ جاتسا، وڭ وزگەرىستەر بولادى - ايدا بالايەۆا

None
استانا. قازاقپارات – ق ر پرەزيدەنتى اكىمشىلىگى باسشىسىنىڭ ورىنباسارى ايدا بالايەۆا بۇگىنگى ساياسي ناۋقانعا قاتىستى ويىمەن ءبولىستى، دەپ حابارلايدى قازاقپارات ءتىلشىسى.

«وزگەرىستى ءار ازامات وزىنەن باستاۋى كەرەك. ازاماتتاردىڭ سايلاۋعا كەلىپ ءوز تاڭداۋىن جاساۋى ەل دامۋىنا نەمقۇرايدىلىق تانىتپاۋدىڭ بەلگىسى. كانديداتتاردىڭ بەلسەندىلىگىن كورىپ وتىرمىز. ىقپالدى كانديداتتار ءوتىپ جاتسا، مەنىڭشە، وڭ وزگەرىستەر بولادى. جان-جاقتى، ونىڭ ىشىندە قوعام وزگەرۋى ءتيىس. حالىقارالىق بايقاۋشىلاردىڭ دا قىزىعۋشىلىعى ارتىپ كەلەدى. 2019-جىلى بىرەن-ساران شەتەل بايقاۋشىلارى بولسا، قازىر ولاردىڭ سانى ارتقان. ولار سايلاۋدىڭ اشىق ءارى ءادىل وتۋىنە ىقپالىن تيگىزىپ جاتىر. قوعامدا بولىپ جاتقان وزگەرىستەر مەنى قۋانتادى»، - دەدى ايدا بالايەۆا سايلاۋدا داۋىس بەرگەننەن كەيىن باق وكىلدەرىنىڭ ساۋالىنا جاۋاپ بەرە تۇرىپ.

ونىڭ ايتۋىنشا، وسى جولعى سايلاۋدا ساياسي پارتيالار اسا بەلسەندىلىك تانىتۋدا.

«سايلاۋدان ۇزدىك ناتيجە كۇتەمىز. ءماجىلىس جانە ءماسليحاتتار دەپۋتاتتارى سايلاۋى العاش رەت ارالاس جۇيە بويىنشا ءوتىپ جاتىر. بۇل ساياسي پارتيالاردىڭ جاندانۋىنا ىقپال ەتتى. ساياسي باسەكە، ازاماتتىق قوعامنىڭ بەلسەندىلىگى بايقالادى. سونىڭ ىشىندە جاي باقىلاپ قانا قويماي، سايلاۋ پروتسەسىنە قاتىساتىن ازاماتتىق بەلسەندىلەردى كورىپ وتىرمىز. بۇل شىن مانىندە كاسىبي پارلامەنتتى قالىپتاستىرۋعا ىقپال ەتەدى»، - دەيدى پرەزيدەنت اكىمشىلىگى باسشىسىنىڭ ورىنباسارى.

ايتا كەتەيىك، ق ر پرەزيدەنتى اكىمشىلىگى باسشىسىنىڭ ورىنباسارى ايدا بالايەۆا ءوز تاڭداۋىن ەلورداداعى 111№ سايلاۋ ۋچاسكەسىندە جاسادى.

سوڭعى جاڭالىقتار