نۇرسۇلتان نازاربايەۆ ەلوردادا داۋىس بەردى

None
استانا. قازاقپارات - قازاقستاننىڭ بۇرىنعى پرەزيدەنتى نۇرسۇلتان نازاربايەۆ ءماجىلىس پەن ءماسليحات دەپۋتاتتارىن سايلاۋدا ءوز تاڭداۋىن جاسادى، دەپ حابارلايدى قازاقپارات ءتىلشىسى.

نۇرسۇلتان نازاربايەۆ ەلوردانىڭ «استانا وپەرا» تەاترىندا №393-سايلاۋ ۋچاسكەسىندە داۋىس بەردى جانە كەلۋشىلەردى ناۋرىز مەرەكەسىمەن قۇتتىقتادى.

«ناۋرىز مەرەكەسى بارشالارىڭىزعا، بۇكىل حالقىمىزعا جاقسىلىق، كوكتەمنىڭ جارىعى مەن قۋانىشىن اكەلسىن. ءار جانۇياعا جاقسىلىق تىلەيمىن، ءاۋمين»، - دەدى نۇرسۇلتان نازاربايەۆ.

ەسكە سالايىق، ق ر كونستيتۋتسياسىنا سايكەس، پارلامەنت ءماجىلىسى ارالاس سايلاۋ جۇيەسى بويىنشا كونستيتۋتسيالىق زاڭدا بەلگىلەنگەن تارتىپپەن سايلاناتىن 98 دەپۋتاتتان تۇرادى. ءبىرىڭعاي جالپىۇلتتىق سايلاۋ وكرۋگى اۋماعى بويىنشا، ياعني پارتيالىق ءتىزىم بويىنشا ءماجىلىستىڭ - 69 دەپۋتاتى، ءبىر مانداتتى اۋماقتىق سايلاۋ وكرۋگتەرى بويىنشا 29 دەپۋتات سايلانادى.

19-قاڭتاردا مەملەكەت باسشىسى قاسىم-جومارت توقايەۆ جەتىنشى سايلانعان پارلامەنت ءماجىلىسىن تاراتۋ جانە 19-ناۋرىز كۇنى پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىن بەلگىلەۋ تۋرالى جارلىققا قول قويعان ەدى. بۇل كۇنى ماجىلىسپەن قاتار ءماسليحات دەپۋتاتتارىن دا كەزەكتەن تىس سايلاۋ ۇسىنىلدى.


سوڭعى جاڭالىقتار