باقىلاۋشىلار مەن سەنىمدى وكىلدەر قانداي مەكەمەگە تەلەفونمەن كىرە المايدى

None
الماتى. قازاقپارات- الماتىدا ازىرگە ەشقانداي زاڭبۇزۋشىلىق تىركەلگەن جوق. ءبىراق، ەسكەرتۋلەر جاسالدى.

بۇل تۋرالى ق ر پارلامەنتىنىڭ ءماجىلىسى جانە الماتى قالاسىنىڭ ءماسليحات دەپۋتاتتارىن سايلاۋعا ارنالعان بريفينگ بارىسىندا اۋماقتىق سايلاۋ كوميسسياسىنىڭ مۇشەسى ەرجان قالىمباي ۇلى ءمالىم ەتتى، دەپ حابارلايدى قازاقپارات ءتىلشىسى.

«سايلاۋ ۋچاسكەلەردىڭ بىرىندە سەنىمدى وكىلدىڭ بەيدجىندە دەپۋتاتتىققا ۇمىتكەر ادامىنىڭ اتى-ءجونى جازىلعان. بۇل جاناما جارناماعا جاتادى. سوندىقتان سايلاۋ ۋچاسكەسىنىڭ ءتوراعاسى ول كىسىگە ەسكەرتۋ جاساپ، ونى شەشكىزىپ تاستادى. ياعني، ءبىز بارلىق سايلاۋ ۋچاسكەلەرىمەن بايلانىستامىز»، - دەدى ەرجان قالىمباي ۇلى. سونداي-اق ول كەيبىر داۋىس بەرۋ ۋچاسكەلەرىندە باقىلاۋشىلار مەن كانديداتتاردىڭ سەنىمدى وكىلدەرىنە تەلەفونمەن كىرۋگە تىيىم سالىنعانىن اتاپ ءوتتى.

«بىزدە ازاماتتاردىڭ ۋاقىتشا تۇرۋىنا ارنالعان بىرنەشە ۋچاسكە بار. اتاپ ايتار بولساق، اسكەري بولىمدەر، ساناتوريلەر جانە تاعى باسقا مەكەمەلەر. ول جەرلەردىڭ ءوز ەرەجەلەرى بار، وعان سايكەس، تەلەفونمەن كىرۋگە رۇقسات بەرمەيدى، سول سەبەپتى، بايقاۋشىلار مەن سەنىم بىلدىرىلگەن تۇلعالارعا سايلاۋ ۋچاسكەلەرىنە بارعاندا تەلەفوندارىن قالدىرۋ سۇرالدى»، - دەپ ءتۇسىندىردى سپيكەر.

بۇدان بۇرىن حابارلانعانداي، بۇگىن قازاقستاندا ءماجىلىس پەن ءماسليحات دەپۋتاتتارىن سايلاۋ باستالدى.


سوڭعى جاڭالىقتار