استانادا قىز ۇرلاپ، تۋىستارىنان اقشا تالاپ ەتكەن وزبەكستاندىق ۇستالدى
ءمالىم ەتىلگەندەي، ەلوردالىق پوليتسەيلەر تمد ەلدەرىمەن بىرلەسىپ 15-16-ناۋرىز ارالىعىندا «ىزدەستىرۋ» كەڭ اۋقىمدى وپەراتسياسىن وتكىزدى. ءىس-شارانىڭ ءبىرىنشى كۇنى استانا قالاسىنىڭ اۋماعىندا 8 قىلمىسكەر ۇستالدى. حابار-وشارسىز كەتكەن 3 ازاماتتىڭ ورنالاسقان جەرى انىقتالدى.
مەملەكەتارالىق ىزدەۋدە بولعان ەكى شەتەلدىكتىڭ ءبىرى - وزبەكستاندىق ايەل.
«مەملەكەتارالىق ىزدەۋدە جۇرگەن 23 جاستاعى وزبەكستاندىق بيكەش ۇستالدى. ول قۇدا ءتۇسىپ، 21 جاستاعى قىزدى ۇيىنەن الىپ كەتكەن. كەيىن بوپسالاۋ ارقىلى ونىڭ تۋىستارىنان اقشا تالاپ ەتكەن»، - دەلىنگەن حابارلامادا.
ال وزبەكستاننىڭ 42 جاستاعى ازاماتى الاياقتىق جاساپ، ەلوردادا بوي تاسالاپ جۇرگەن. ول سامارقان قالاسىندا ەر ادامدى جۇمىسقا ورنالاستىرۋعا ۋادە ەتىپ، 1,4 ميلليون سوم اقشاسىن يەمدەنىپ كەتكەن.
قازىرگى ۋاقىتتا اتالعان ەكى كۇدىكتى دە ۋاقىتشا ۇستاۋ يزولياتورىنا قامالدى. ەكستراديتسيا ماسەلەسى شەشىلىپ جاتىر.