10:08, 19 - ناۋرىز 2023 | GMT +6
پرەمەر-مينيستر: ءبىز وتستاۆكاعا كەتەمىز
استانا. قازاقپارات - قازىرگى ۇكىمەت ازىرگە جۇمىسىن جالعاستىرا بەرمەك. بۇل تۋرالى ۇكىمەت باسشىسى ءاليحان سمايىلوۆ ءمالىم ەتتى، دەپ حابارلايدى قازاقپارات ءتىلشىسى.
«كونستيتۋتسياعا سايكەس، پارلامەنت جاڭادان سايلانعاننان ۇكىمەت ءوز وكىلەتتىگىن توقتاتادى. ءبىز وتستاۆكاعا كەتەمىز. ءبىراق جاڭا ۇكىمەت قۇرىلعانعا دەيىن مىندەتىمىزدى اتقارا بەرەمىز. جاڭا پرەمەر-مينيستر كىم بولاتىنىن پرەزيدەنت پەن جاڭا ءماجىلىس شەشەدى. ارينە، ءبىز كەز كەلگەن وزگەرىستەرگە جانە ەلىمىز ءۇشىن جۇمىس ىستەۋگە دايىنبىز»، - دەدى ءاليحان سمايىلوۆ سايلاۋدا داۋىس بەرگەن سوڭ ب ا ق وكىلدەرىنىڭ ساۋالىنا بەرە تۇرىپ.
ايتا كەتسەك، پرەمەر-مينيستر ءاليحان سمايىلوۆ ەلورداداعى №111-سايلاۋ ۋچاسكەسىندە داۋىس بەردى.