بولاشاقتا سايلاۋ جاشىكتەرى بيۋللەتەندەردى اۆتوماتتى ەسەپتەيتىن تەحونولوگيامەن جابدىقتالادى - باعدات مۋسين
ءمينيستردىڭ ايتۋىنشا مۇنداي ءتاسىل سايلاۋ پروتسەسىنە جالعان بيۋللەتەندەردىڭ قوسىلۋىن بولدىرمايدى.
«ءبىز ورتالىق سايلاۋ كوميسسياسىمەن بىرگە ەكى ماسەلەنى تالقىلاپ جاتىرمىز. مىسالى، داۋىس بەرۋشىنى سايلاۋ وكرۋگىنە بەكىتۋ جانە تىركەۋدەن شىعارۋ ماسەلەسى بار. ءبىر وبلىستان ەكىنشى وبلىسقا بارىپ داۋىس بەرەتىن بولسا، تۇرعىلىقتى وكرۋگتە تىركەۋدەن شىعۋى كەرەك. كەلەشەكتە وسىنى ونلاين تۇردە جاساۋعا بولادى»، - دەدى ول دەپۋتاتتار سايلاۋىندا داۋىس بەرىپ بولعاننان كەيىن.
سونداي-اق باعدات مۋسين سايلاۋ جاشىكتەرىن جاڭا تەحنولوگيامەن جابدىقتاۋ ماسەلەسى تالقىلانىپ جاتقانىن اتاپ ءوتتى.
«جاشىككە بيۋللەتەندى سالعان كەزدە قانشا بيۋللەتەن تۇسكەنىن اۆتوماتتى تۇردە كورسەتىپ تۇرسا دەگەن ويىمىز بار. ياعني، مۇنداي تەحنولوگيا سالعان بيۋللەتىنىڭىزدىڭ ەشقانداي قولدان جاسالعان قۇجات ەمەس ەكەنىن، زاڭدى قۇجات ەكەنىن راستايدى. سايلاۋ جاشىگى قازىرگىدەي بولادى. ءبىراق كىشكەنتاي كومپيۋتەرلەرى بولادى. وسىنداي ۇسىنىس بار. قازىرگى تاڭدا بۇل بىرنەشە ەلدە جۇزەگە اسىرىلعان. كەلەشەكتە ورتالىق سايلاۋ كوميسسياسىمەن تالقىلاۋ جالعاسادى. قازىر بيۋللەتەندەردى باقىلاۋشىلار ساناسا، ەندى باقىلاۋدىڭ تاعى ءبىر مەحانيزمى پايدا بولادى. ول جالعان بيۋللەتەندەردىڭ قوسىلىپ كەتپەۋىنە سەپتىگىن تيگىزەدى»، - دەدى مينيستر.
