ادالدىققا ەشنارسە جەتپەيدى - اسىلى وسمان

الماتى. قازاقپارات – ق ر ەڭبەك سىڭىرگەن قايراتكەرى، قازاقستان حالقى اسسامبلەياسىنىڭ مۇشەسى اسىلى وسمان الماتى قالاسىنداعى №64-سايلاۋ ۋچاسكەسىنە بارىپ، ەل تاعدىرىنا ىقپال ەتەر ماڭىزدى شەشىمدى قابىلداۋعا اتسالىستى، دەپ حابارلايدى قازاقپارات ءتىلشىسى.

ءتىل جاناشىرى ءاربىر ساياسي ناۋقانداعىداي بۇل جولى دا العاشقىلاردىڭ ءبىرى بولىپ داۋىس بەردى.

«ادىلەتتى جانە شىنشىل بولايىق. ادالدىققا ەشنارسە جەتپەيدى. سوندىقتان بۇگىنگى ناۋقانعا بارشامىز ءۇن قوسساق دەيمىن. ەرتەڭ دەپۋتاتتار دا ءبىزدىڭ سەنىمىمىزدى اقتاسىن. ەلىن، جەرىن، حالقىن شىنايى سۇيەتىن جاندار كوپ بولسىن دەپ تىلەيمىن»، - دەدى اسىلى وسمان.

ايتا كەتەيىك، بۇگىن ەلىمىزدە پارلامەنت ءماجىلىسىنىڭ جانە جەرگىلىكتى ءماسليحاتتار دەپۋتاتتارىن كەزەكتەن تىس سايلاۋ ءوتىپ جاتىر.

مەگاپوليستە سايلاۋ ۋچاسكەلەرى تاڭعى 07:00 دە اشىلدى. داۋىس بەرۋ كەشكى 20:00 گە دەيىن جالعاسادى.

الماتىدا 602 سايلاۋ ۋچاسكەسى جۇمىس ىستەۋدە.