تالدىقورعاندىقتار سايلاۋ ۋچاسكەسىنە تۇيگە ءمىنىپ كەلدى

تالدىقورعان. قازاقپارات - جەتىسۋ وبلىسىنىڭ ورتالىعى تالدىقورعان قالاسىنداعى №419-سايلاۋ ۋچاسكەسىنە كەلۋشىلەر بەلسەندى.

مۇندا العاشقىلاردىڭ ءبىرى بولىپ تۇيە اسىراپ، باعۋشىلار داۋىس بەردى، دەپ حابارلايدى قازاقپارات.

جەتىسۋ وبلىسى اكىمىنىڭ باسپا ءسوز قىزمەتىنەن ءمالىم ەتكەندەي، تۇيەگە ءمىنىپ، داۋىس بەرۋگە كەلگەندەر اراسىندا 35 جاستاعى ۇلان بايزاقوۆ تا بار. ول سوڭعى 15 جىلدا تۇيە اسىراۋمەن اينالىسىپ كەلەدى. ۇلاننىڭ ايتۋىنشا، بۇل جانۋاردى اسىراۋ وڭاي ەمەس، دەگەنمەن قوس وركەشتى قاستەرلى مالدىڭ يەسى بولۋ ءبىر عانيبەت.

«اپتانىڭ دەمالىس كۇندەرى تۇيەمدى ورتالىق ساياباقتارعا الىپ شىعامىن. ۇستىنە مىنگەنىنە قۋانعان بالالاردى كورۋدىڭ ءوزى باقىت. وسىنداي قىزمەت كورسەتۋدەن تاپقان قاراجاتتى تۇيەنىڭ جەم- شوبىنە، ءدارى- دارمەگىنە جۇمسايمىن. بۇگىنگى سايلاۋعا ەرتەلەتىپ كەلىپ، داۋىس بەردىم. سەبەبى كۇنى بويى تۇيە باعىمىنا قاتىستى اتقاراتىن شارۋام كوپ»، - دەيدى ۇ. بايزاقوۆ.