ءاليحان سمايىلوۆ سايلاۋدا ءوز تاڭداۋىن جاسادى

None
استانا. قازاقپارات - ۇكىمەت باسشىسى ءاليحان سمايىلوۆ ءماجىلىس جانە ءماسليحاتتار دەپۋتاتتارى سايلاۋىندا داۋىس بەردى، دەپ حابارلايدى قازاقپارات ءتىلشىسى.

ول استاناداعى ق ر ۇلتتىق كىتاپحاناسىنىڭ عيماراتىندا ورنالاسقان №111-سايلاۋ ۋچاسكەسىندە ءوز تاڭداۋىن جاسادى.

اتالعان سايلاۋ ۋچاسكەسىندە 2744 داۋىس بەرۋشى تىركەلگەن.

بۇعان دەيىن حابارلاعانىمىزداي، استانا ۋاقىتىمەن تاڭعى ساعات 4-تە سەۋلدە №258 جانە توكيودا №261-سايلاۋ ۋچاسكەلەرى الەمدە ءبىرىنشى بولىپ اشىلدى.

وڭتۇستىك كورەياداعى ق ر ازاماتى كۋرسانت اسانوۆ ەلنۋر ءبىرىنشى بولىپ داۋىس بەردى.

ق ر كونستيتۋتسياسىنا سايكەس، پارلامەنت ءماجىلىسى ارالاس سايلاۋ جۇيەسى بويىنشا كونستيتۋتسيالىق زاڭدا بەلگىلەنگەن تارتىپپەن سايلاناتىن 98 دەپۋتاتتان تۇرادى. ءبىرىڭعاي جالپىۇلتتىق سايلاۋ وكرۋگى اۋماعى بويىنشا، ياعني پارتيالىق ءتىزىم بويىنشا ءماجىلىستىڭ 69 دەپۋتاتى، ءبىر مانداتتى اۋماقتىق سايلاۋ وكرۋگتەرى بويىنشا - 29 دەپۋتات سايلانادى.

19-قاڭتاردا مەملەكەت باسشىسى قاسىم-جومارت توقايەۆ جەتىنشى سايلانعان قر پارلامەنتىنىڭ ءماجىلىسىن تاراتۋ جانە 19-ناۋرىز كۇنى پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى جارلىققا قول قويعان ەدى. بۇل كۇنى ماجىلىسپەن قاتار ءماسليحات دەپۋتاتتارىن دا كەزەكتەن تىس سايلاۋ ۇسىنىلدى.

بۇل كۇنى 12 ميلليونعا جۋىق ازامات تاڭداۋ جاسايدى. الدىن الا تۇرعىلىقتى جەرى بويىنشا 11970406 سايلاۋشى انىقتالدى. سايلاۋشىلاردىڭ ەڭ كوبى - 1177507 سايلاۋشى تۇركىستان وبلىسىندا، ال ەڭ ازى - 138277 سايلاۋشى ۇلىتاۋ وبلىسىندا تىركەلگەن.

سوڭعى جاڭالىقتار