كۇن رايىنىڭ كۇرت ناشارلاۋىنان جەتىسۋدا بىرنەشە جول اپاتى بولدى

تالدىقورعان. قازاقپارات - كۇن رايىنىڭ كۇرت ناشارلاۋىنان جەتىسۋدا بىرنەشە جول اپاتى بولدى، دەپ حابارلايدى قازاقپارات polisia.kz تەلەگرام كانالىنا سىلتەمە جاساپ.

ەكى جول اپاتى اقسۋ اۋدانىنداعى ساعابۇيەن اۋىلىنىڭ ماڭىندا تىركەلدى. ەلدى مەكەننەن شىققان كەزدە Mitsubishi Lancer اۆتوكولىگىنىڭ 29 جاستاعى جۇرگىزۋشىسى ءرولدى باسقارا الماي، كوپىردەن اۋدارىلىپ كەتكەن. جول اپاتىنان ەكى ادام زارداپ شەكتى.

سونداي-اق، الماتى-وسكەمەن اۆتوجولىنىڭ 361-شاقىرىمىندا (ساعابۇيەندە) CHERY كروسسوۆەرى كاماز-بەن سوقتىعىسقان. وقيعا ورنىندا 3 ادام قازا تاپتى، ولاردىڭ اراسىندا ءسابي دە بار. تاعى ەكى ادام اۋرۋحاناعا ءتۇرلى جاراقاتتارمەن جاتقىزىلدى.