قازاقستاننىڭ قىتايداعى ەلشىسى جۇمىس ساپارىمەن شينجاڭعا باردى
كەزدەسۋ بارىسىندا تاراپتار قازاقستان مەن ش ۇ ا ءو اراسىنداعى ءارتۇرلى سالالارداعى ىنتىماقتاستىقتىڭ ءبىرقاتار وزەكتى ماسەلەلەرىن تالقىلادى، سونداي-اق ونى ودان ءارى دامىتۋ پەرسپەكتيۆالارى تۋرالى پىكىر الماستى.
ش. نۇرىشەۆ سۇحباتتاسۋشىنىڭ نازارىن ەكىجاقتى تاۋار اينالىمىنىڭ كولەمىن ارتتىرۋ ءۇشىن قولايلى جاعداي جاساۋ قاجەتتىگىنە اۋداردى.
وسى تۇرعىدا قازاقستاندىق ديپلومات قازاقستان- قىتاي شەكاراسىنداعى وتكىزۋ بەكەتتەرىنىڭ ءتيىمدى جۇمىس ىستەۋى مەن «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ قىزمەتىن قالپىنا كەلتىرۋدىڭ ماڭىزىن اتاپ ءوتتى.
«باقتى - پوكيتۋ» وتكىزۋ بەكەتىندە ءۇشىنشى تەمىرجول وتكەلىنىڭ قۇرىلىسىنا، سونداي-اق قازاقستاندىق ازىق-تۇلىك تاۋارلارىنىڭ ق ح ر اۋماعىنا جەدەلدەتىپ ءوتۋى ءۇشىن «جاسىل ءدالىزدى» اشۋعا ەرەكشە نازار اۋداردى.
سونىمەن بىرگە، مادەني- گۋمانيتارلىق جانە تۋريستىك الماسۋلاردى قالپىنا كەلتىرۋ ماسەلەسى تالقىلاندى.
وسىلايشا، قازاقستان ەلشىسى ش ۇ ا ءو- مەن بىرلەسكەن مادەني ءىس-شارالار جانە وڭىردەگى تۋريستىك كومپانيالار ءۇشىن ەلىمىزدىڭ كورىكتى جەرلەرى تۋرالى روۋد-شوۋ وتكىزۋ مۇمكىندىگىن قاراستىرۋدى ۇسىندى.
ما شيڭرۋي ءوز تاراپىنان قازاقستاندىق ديپلومات كوتەرگەن ماسەلەلەردىڭ ماڭىزىن اتاپ ءوتىپ، قىتاي تاراپىنىڭ ولاردى بەلسەندى تۇردە پىسىقتاۋعا دايىن ەكەنىن جەتكىزدى.
اتاپ ايتقاندا، شەكارا بەكەتتەرىنىڭ وتكىزۋ قابىلەتىن ارتتىرۋعا، اۋىل جانە مال شارۋاشىلىعى ونىمدەرىن وتكىزۋگە «جاسىل ءدالىزدى» قامتاماسىز ەتۋگە، ازاماتتاردىڭ ءوزارا ساپارلارىنا قولايلى جاعداي جاساۋعا، مادەني الماسۋدى تەرەڭدەتۋگە، تۋريستىك ىنتىماقتاستىقتى ورناتۋعا ازىرلىك راستالدى.
سونداي-اق ساپار بارىسىندا ەلشى ۇلتى قازاق ق ح ر ازاماتتارىمەن كەزدەسۋ وتكىزدى.
ش. نۇرىشەۆ قانداستاردى ق ر پرەزيدەنتى قاسىم-جومارت توقايەۆ باستاعان ساياسي جانە ەكونوميكالىق رەفورمالاردى جۇزەگە اسىرۋدىڭ نەگىزگى كەزەڭدەرى تۋرالى ەگجەي- تەگجەيلى حاباردار ەتتى.
قازاقستان- قىتاي ەكىجاقتى ىنتىماقتاستىعىنىڭ قازىرگى جاعدايى مەن كەلەشەگى، سونداي-اق قازاقستان ۇكىمەتىنىڭ قانداستارعا كورسەتەتىن ءتۇرلى قولداۋ شارالارى تۋرالى ايتتى.
