ينفەكسيونيست دارىگەر قىزىلشا بەلگىلەرىن اتادى
قىزىلشا - جوعارى جۇقپالى جانە كەڭ تارالۋىمەن سيپاتتالاتىن جەدەل ۆيرۋستىق ينفەكسيا. بۇل - بۇكىل الەمدەگى جاس بالالار اراسىنداعى سىرقاتتانۋشىلىق پەن ءولىم- ءجىتىمنىڭ باستى سەبەبى. 5 جاسقا دەيىنگى بالالاردىڭ 30 پايىزىندا اۋرۋ اسقىنۋلاردىڭ ورشۋىمەن سيپاتتالادى. اسىرەسە، دۇرىس تاماقتانۋ سالتى جوق جانە يممۋنيتەت تاپشىلىعى بار ناۋقاستار ءجيى شالدىعادى.
«ينفەكسيا كوزى - كاتارالدى كەزەڭدەگى جانە بورتپە باستالعاننان كەيىنگى العاشقى 5 كۇندە اۋىرىپ جۇرگەن ناۋقاس. ينفەكتسيا جۇقتىرۋدىڭ ۇزاعىراق مەرزىمى پنيەۆمونيامەن اسقىنعان جاعدايلاردا انىقتالعان. تارالۋ جولى - اۋا تامشىلارى. ۆيرۋس مۇرىن- جۇتقىنشاق شىرىشىنىڭ ميكروسكوپيالىق ۇساق بولشەكتەرىندە، تىنىس الۋ جولدارىندا كەزدەسەدى، ولار جوتەلگەندە جانە تۇشكىرگەندە ناۋقاستىڭ اينالاسىنا وڭاي تارايدى»، - دەدى ول استانا قالالىق كوممۋنيكاتسيالار قىزمەتىندەگى بريفينگ بارىسىندا.
ونىڭ اتاپ وتۋىنشە، قازىرگى ۋاقىتتا ەلىمىزدە قىزىلشانىڭ ءورشي تۇسكەنى بايقالادى. سوندىقتان دا مەديتسينا قاۋىمى الاڭداۋشىلىق تانىتىپ وتىر.