قازاقستاندىق فريستايلشى الەم كۋبوگى كەزەڭىندە «كۇمىس» الدى

استانا. قازاقپارات - الماتىداعى «شىمبۇلاق» تاۋ-شاڭعى بازاسىندا فريستايلدان ءوتىپ جاتقان الەم كۋبوگى كەزەڭىندە قازاقستاندىق پاۆەل كولماكوۆ كۇمىس جۇلدەگەر اتاندى، دەپ حابارلايدى قازاقپارات ءتىلشىسى.

پ. كولماكوۆ فريستايل-موگۋلدان فينالدا 78,72 بال جيناپ، ەكىنشى ورىنعا يە بولدى.

كانادالىق ميكاەل كينگسبەري (85,67) جەڭىمپاز اتانسا، اۋستراليالىق مەتت گرەمگە 78,42 قولا جۇلدە بۇيىردى.

«سپورتتى دامىتۋ ديرەكتسياسى» ر م ق ك مالىمەتى بويىنشا تاعى ءبىر قازاقستاندىق انتون بونداريەۆ ىرىكتەۋدەن وتە المادى.

سونداي-اق موگۋل جارىسىندا ايەلدەر اراسىندا اياۋلىم امرەنوۆا فينالعا وتكەنىمەن، جۇلدەگە ىلىككەن جوق.

ەسكە سالا كەتەيىك، بۇدان بۇرىن الماتىدا فريستايلدان وتەتىن الەم كۋبوگىنىڭ فينالىنا الەمنىڭ 14 ەلىنەن سپورتشىلار قاتىساتىنىن جازعان بولاتىنبىز.