18:40, 17 - ناۋرىز 2023 | GMT +6
استانادا كوركەم گيمناستيكا ورتالىعى اشىلدى
استانا. قازاقپارات - استانادا كوركەم گيمناستيكا ورتالىعى اشىلدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.
ورتالىقتىڭ اۋماعى - 1000 شارشى مەتردەن استام، بيىكتىگى - 14 مەترگە جۋىق. وسىعان دەيىن قالادا ءتيىستى تالاپتارعا ساي كەلەتىن عيمارات بولماعان. بۇل ماسەلەنى شەشۋ ءۇشىن «تاۋەلسىزدىك سارايىنان» ۋاقىتشا ورىن بەرىلگەن. ەندى كوركەم گيمناستيكا تالاپتارىنا ساي كەلەتىن جاڭا ورتالىقتا ەمىن-ەركىن دايىندالۋعا بولادى.
جاس سپورتشىلار وسىعان دەيىن جاتتىققان «تاۋەلسىزدىك سارايىندا» جوندەۋ جۇرگىزىلىپ، بالالار جارىستارعا دايىندىقتى ءارتۇرلى جەردە وتكىزۋگە ءماجبۇر بولعان ەدى. ەندى بالالار مەن جاس وسپىرىمدەر وسىندا الاڭسىز دايىندالا الادى.
