فرانسياداعى زەينەتاقى رەفورماسى: وپپوزيتسيا ۇكىمەتكە سەنىمسىزدىك ۆوتۋمىن جاريالاماق

استانا. قازاقپارات - مىڭداعان فرانسۋز رەزونانس تۋدىرعان زەينەتاقى رەفورماسىنىڭ داۋىسقا سالىنباستان قابىلدانۋىنا قارسىلىق ءبىلدىرۋ ءۇشىن كوشەلەرگە شىقتى.

شەرۋلەر سوڭى پوليتسيامەن قاقتىعىستارعا ۇلاستى، دەپ حابارلايدى قازاقپارات euronews-كە سىلتەمە جاساپ.

بۇعان دەيىن ەليزابەت بورن ۇكىمەتى كونستيتۋتسيانىڭ 49.3-بابى نەگىزىندە شەشىم قابىلداعان بولاتىن. بەسىنشى رەسپۋبليكا تاريحىندا 100-رەت قولدانىلعان بۇل ءادىس زاڭدى اسسامبلەيادا داۋىسقا سالماي-اق قابىلداۋعا مۇمكىندىك بەرەدى. ۇكىمەت شەشىمىنىڭ كۇشى سەنىمسىزدىك ۆوتۋمى ارقىلى عانا جويىلادى.

ول 49.3-باپ كۇشىنە ەنگەننەن كەيىن جيىرما ءتورت ساعاتقا جەتپەي ەنگىزىلۋى ءتيىس. وپپوزيتسيا قازىردىڭ وزىندە سەنىمسىزدىك ۆوتۋمىن ۇسىنۋعا نيەتتى ەكەنىن مالىمدەدى.

ال، كاسىپوداقتار ەرەۋىلدەر مەن شەرۋلەردى جالعاستىرۋعا شاقىردى.