سايلاۋ ۋچاسكەلەرىندە سانيتارلىق تالاپتار ساقتالۋى ءتيىس - كوميتەت

استانا. قازاقپارات - سانيتاريالىق-ەپيدەميولوگيالىق باقىلاۋ كوميتەتى سايلاۋ كۇنى قارساڭىندا جۇقپالى اۋرۋلاردان قورعانۋ شارالارىن ەسكە سالدى، دەپ حابارلايدى قازاقپارات.

ەپيدەميولوگيالىق جاعدايدىڭ ناشارلاۋىن بولدىرماۋ ماقساتىندا مىناداي الدىن الۋ شارالارىن ساقتاۋ ۇسىنىلادى:

- ءبىر ادامعا كەمىندە 4 ش. م. ەسەبىنەن ءۇي-جايدىڭ تولىمدىلىعىن ەسكەرە وتىرىپ، ولاردىڭ توپتالىپ جينالۋىنا جول بەرمەي، سايلاۋ پروتسەسىنە قاتىسۋشىلاردىڭ اعىنىن رەتتەۋ؛

- جەلدەتۋ/اۋانى باپتاۋ جۇيەسىنىڭ ۇزدىكسىز جۇمىس ىستەۋى نەمەسە داۋىس بەرۋ باستالار الدىندا جانە قاجەت بولعان جاعدايدا كۇنى بويى ءۇي-جايدى تۇراقتى جەلدەتۋ؛

- داۋىس بەرۋ باستالار الدىندا جانە قاجەت بولعان جاعدايدا كۇنى بويى جۋۋ قۇرالدارىن قولدانا وتىرىپ، ءۇي-جايلاردى جانە بارلىق جۇمىس ورىندارىن دەزينفەكسيالاۋ ارقىلى ىلعالدى جيناۋ جۇرگىزۋ.

ايتا كەتسەك، 19- ناۋرىز كۇنى ەلىمىزدە پارلامەنت ءماجىلىسى مەن ءماسليحاتتار دەپۋتاتتارىنىڭ سايلاۋى وتەدى.

بۇعان دەيىن دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتاريالىق دارىگەر ايجان ەسماعامبەتوۆا داۋىس بەرۋشىلەرگە ماسكا تاعۋ ۇسىنىلاتىنىن ايتقان ەدى.