تەڭگەمەن ساقتالعان دەپوزيتى بار ادامدارعا مەملەكەتتەن اقشا تۇسە باستادى

استانا. قازاقپارات - تەڭگەلىك سالىمدار بويىنشا وتەماقى ەسەپتەۋگە ارنالعان قاراجات ەكىنشى دەڭگەيدەگى بانكتەرگە ءتۇستى، - دەپ حابارلايدى قازاقستاننىڭ دەپوزيتتەرگە كەپىلدىك بەرۋ قورى.

«وتەماقى تولەۋ ءراسىمىنىڭ اياقتالىپ كەلە جاتقانىن قۋانا حابارلايمىز. قازاقستاننىڭ دەپوزيتتەرگە كەپىلدىك بەرۋ قورى 15-ناۋرىزدا بانكتەردەن سالىمشىلاردىڭ اقتىق ءتىزىلىمىن الىپ، ولاردى وپەراتورعا جولدادى. جاقىن كۇندەرى بانكتەر تولەمدەردى تولىق كولەمدە اياقتايدى»، - دەدى قدكبق ءتوراعاسىنىڭ ورىنباسارى الماس قۇدايبەرگەنوۆ.

«پروبلەمالىق كرەديتتەر قورى» ا ق پەن «قازاقستاننىڭ ورنىقتىلىق قورى» ا ق اقشالاردى بانكتەرگە اۋداردى. اۋدارىلعان قاراجاتتاردىڭ جالپى سوماسى - 306,6 ميلليارد تەڭگە. ال مەملەكەت تاراپىنان 10 پايىزدىق وتەماقىنى الاتىن سالىمشىلار سانى - 2 ميلليون 615 مىڭ 772 ادام.

قاعيدالارعا سايكەس، ەكىنشى دەڭگەيدەگى بانكتەر ەكى جۇمىس كۇنى ىشىندە تيەسىلى وتەماقىعا ءوتىنىش بەرگەن دەپوزيتورلاردىڭ شوتتارىنا اۋدارادى.

تەڭگەلىك دەپوزيتتەر بويىنشا 10 پايىزدىق سىيلىق اقى قارجى مينيسترلىگى مەن قازاقستاننىڭ ۇلتتىق بانكىنىڭ قاراجاتتارى ەسەبىنەن تولەنەدى.

بانكتەر سىيلىقاقى تولەۋگە وتىنىشتەردى بەس اي بويى - 2022 -جىلعى قىركۇيەكتەن 2023 -جىلعى اقپانعا دەيىن قابىلدادى. وتىنىشتەردى قابىلداۋ بيىلدىڭ 10-اقپانىندا اياقتالدى.