تيكتوك ناۋرىزعا بايلانىستى ونلاين-فەستيۆال وتكىزەدى
TikTok مەرەكەلىك ونلاين-فەستيۆال الاڭىنا اينالدى. ياعني #ناۋرىز2023 ارنايى حەشتەگى بويىنشا قازاقستاندىقتار مەرەكەنى ەلىمىزدىڭ تۇكپىر-تۇكپىرىندە قالاي اتاپ وتەتىنىن كورسەتە الادى. ودان بولەك، مەرەكەلىك تاعامداردىڭ ءمازىرىن بولىسە الادى نەمەسە قىزىق داستۇرلەر تۋرالى ايتا الادى.
ونلاين وتەتىن شارا مادەنيەت جانە سپورت مينيسترلىگىنىڭ قولداۋىمەن وتەدى. بۇل باستامانى TikTok-تاعى تانىمال كونتەنت اۆتورلارى دا قولداعان.
قازاقستاننىڭ باي مادەنيەتى TikTok اۆتورلارى ءۇشىن ناعىز شابىت كوزى، ولار ءارتۇرلى ەلدەن كەلگەن پلاتفورمانىڭ ميلليونداعان قولدانۋشىسىمەن رەزونانس تۋدىراتىن شىنايى جانە تارتىمدى بەينەروليكتەر جاسايدى.
مىسالى، #يستورياكازاحستانا حەشتەگى بويىنشا بەينەروليكتەر 100 ميلليونعا جۋىق قارالدى، ال #قازاقستانمادەنيەتى تەگى بويىنشا - 75 ميلليوننان استام قارالعان.
TikTok-تا كوكتەم مەرەكەسى ناۋرىز قازاقستاننىڭ تۇكپىر-تۇكپىرىنەن پلاتفورما قاۋىمداستىعىن بىرىكتىرەدى جانە ۇلتتىق داستۇرلەردىڭ سۇلۋلىعىن ودان دا اشا تۇسەدى.
ونلاين-فەستيۆال #ناۋرىز2023 ارنايى حەشتەگىمەن وتەدى. TikTok پلاتفورما قولدانۋشىلارىن ۇلتتىق مەرەكە، ونىڭ ەرەكشەلىكتەرى مەن ادەت-عۇرىپتارى تۋرالى بەينەروليكتەر تۇسىرۋگە شاقىرادى.
ۇزدىك ۆيدەوروليك تۇسىرگەن اۆتورلار «Rocket Go» تۋريستىك كومپانياسىنان باعالى سىيلىقتار الادى. بايقاۋ جەڭىمپازى 2- جانە 3-جۇلدەلى ورىنداردىڭ يەگەرلەرى 5 كۇن، 3 كۇن جانە 1 كۇن بويى قازاقستاننىڭ ەڭ ادەمى جەرلەرىنە ساياحات جاسايدى.
قولدانۋشىلار تاقىرىپ رەتىندە ءتورت باعىتتىڭ ءبىرىن تاڭداي الادى:
• تاعام: اۆتورلارعا مەرەكەلىك سۇيىكتى تاعامىنىڭ ءمازىرىن ءبولىسۋ ۇسىنىلادى.
• ساياحات: ەلدىڭ تۇكپىر- تۇكپىرىندە ناۋرىز قالاي تويلاناتىنىن اڭگىمەلەپ بەرىڭىز نەمەسە كورسەتىڭىز.
• مادەنيەت: مەرەكەنىڭ قىزىق ادەت-عۇرىپتارىن نەمەسە داستۇرلەرىن اڭگىمەلەپ، كورسەتىپ بەرىڭىز، ناۋرىزعا بايلانىستى ميفتەر مەن اڭىزدار تۋرالى ايتىڭىز.
• ءان: ءوزىڭىز ورىنداعان ۇلتتىق ءبيدى نەمەسە سۇيىكتى قازاق مۋزىكاسىن ورىنداۋىڭىزدى ءبولىسىڭىز.
ناۋرىزعا ارنالعان ونلاين-فەستيۆالدىڭ قورىتىندىسى، ۇزدىك بەينەروليكتەر مەن بايقاۋ جەڭىمپازدارى 29-ناۋرىزدا جاريالانادى.