استانادا مارقۇمداردى جەرلەۋ ءتارتىبى وزگەرەدى

استانا. قازاقپارات - تۋىسى جوق، قازا تاپقان جانداردى جەرلەۋ شارالارىنىڭ شىعىنى بيۋدجەت ەسەبىنەن جۇرگىزىلەدى.

استانا قالاسى اكىمدىگى اشىق ن ق ا پورتالىندا قايتىس بولعان ادامدى جەرلەۋ جانە زيراتتاردى كۇتىپ-ۇستاۋ ءىسىن ۇيىمداستىرۋ قاعيدالارىن قوعامدىق تالقىعا ۇسىندى. وندا مارقۇم بولعان ادامدى جەرلەۋ ءتارتىبى كورسەتىلگەن.

ەرەجەگە ساي، ەلوردا اكىمدىگى ءاربىر قايتىس بولعان ادامدى جەرلەۋ ءۇشىن زيراتتان كەمىندە 6 شارشى مەتر جەر ۋچاسكەسىن تەگىن بولەدى. زيراتتاعى بوس جەر ۋچاسكەلەرى تۋرالى اقپاراتتى جەرگىلىكتى اتقارۋشى ورگاننىڭ رەسمي ينتەرنەت- رەسۋرسىنان كورۋگە بولادى.

قايتىس بولعان ادامدى جەرلەۋ ءۇشىن ونىڭ جاقىندارىنىڭ ءبىرى زيرات اكىمشىلىگىنە ەلەكتروندىق ۇكىمەت ۆەب-پورتالى ارقىلى الىنعان قايتىس بولۋ تۋرالى كۋالىكتى نەمەسە №045/ۋ نىسانى بويىنشا قايتىس بولۋ تۋرالى مەديتسينالىق كۋالىكتى وتكىزۋى ءتيىس. سونىڭ نەگىزىندە زيرات اكىمشىلىگى قايتىس بولعان ادامدى جەرلەۋ تۋرالى ەسەپ جۇرگىزەدى. ول كەلەسى مالىمەتتەردى قامتيدى:

جەرلەۋ جىلى، ايى، كۇنى؛

زيراتتىڭ ءنومىرى؛

قايتىس بولعان ادامنىڭ تەگى، اتى، اكەسىنىڭ اتى؛

تۋعان جانە قايتىس بولعان كۇنى؛

ءولىمنىڭ سەبەبى؛

ەلەكتروندىق ۇكىمەت پورتالىنان الىنعان قايتىس بولۋ تۋرالى كۋالىكتىڭ ءنومىرى، كۇنى جانە كىمنىڭ بەرگەنى؛

مارقۇمنىڭ جاقىن تۋىستارىنىڭ تەگى، اتى، اكەسىنىڭ اتى، ج س ن، جەكە باسىن كۋالاندىراتىن قۇجاتتىڭ بەرىلگەن كۇنى مەن ءنومىرى، مەكەنجايى، تۋىستارى بولماعان جاعدايدا، جەرلەۋدى جۇرگىزگەن ادامنىڭ مەكەنجايى نە جەرلەۋدى جۇرگىزگەن ۇيىمنىڭ اتاۋى، ب س ن، مەكەنجايى.

ال قايتىس بولعان ادامدى باسقا تۋىسىنىڭ زيراتىنا جاقىنىراق جەرلەۋ ءۇشىن ونىڭ تۋىستىق جاقىندىعىن راستايتىن قۇجات ۇسىنۋ كەرەك.

سونداي-اق، ەرەجە جوباسىندا تۋىسسىز ادامداردى جەرلەۋ بيۋدجەت قاراجاتى ەسەبىنەن جۇرگىزىلەتىنى جازىلعان.

قۇجات جوباسىن تالقىلاۋعا 4-ساۋىرگە دەيىن ۋاقىت بەرىلگەن.

ايتا كەتەيىك 2020 -جىلى COVID-19 ىندەتى كەڭ تاراعان كەزدەن باستاپ جەرلەۋ ءراسىمىن ۇيىمداستىرۋشى كومپانيالاردىڭ جۇمىسى بىرنەشە ەسە تابىسقا ارتقان بولاتىن. 2019 -جىلعى ستاتيستيكاعا سۇيەنسەك، قازاقستاندا جەرلەۋ كاسىپورىندارى ورتا ەسەپپەن ايىنا 500 مىڭنان 1 ميلليون تەڭگەگە دەيىن تابىس تاپقان. بۇل كاسىپورىن تابىسىنىڭ 20-30 پايىزىن قۇرايدى.

ال 2020 -جىلى بۇل ستاتيستيكا 1,5-3 ميلليون تەڭگەگە دەيىن وسكەن. ساراپشىلاردىڭ ايتۋىنشا 2022 -جىلدىڭ مامىر ايىندا قازاقستاندا مۇنداي قىزمەت باعاسى ورتاشا ەسەپپەن جىلىنا 13,1 پايىزعا وسكەن. بۇل رەتتە ەلىمىزدىڭ بەس وڭىرىندە - اقتوبە، جامبىل، قوستاناي جانە تۇركىستان وبلىستارىندا، سونداي-اق استانا قالاسىندا باعا وزگەرگەن جوق. باسقا وڭىرلەر اراسىندا جەرلەۋ قىزمەتى باعاسىنىڭ ەڭ جوعارى ءوسىمى ماڭعىستاۋ وبلىسىندا (بىردەن %61,8) تىركەلدى، سودان كەيىن الماتى مەن اتىراۋ وبلىستارى (%33,3) تۇر.

ال، قازىرگى ۋاقىتتا جەرلەۋ كاسىپورىنىنىڭ قىزمەتىن بىرنەشە ايعا ءبولىپ تولەۋ ارقىلى نەسيەگە راسىمدەۋگە بولادى.

Massaget.kz