قۋات حاميتوۆ اتىراۋدا ارالاس جەكپە-جەكتەن وتكەن تۋرنيردە جەڭىسكە جەتتى

اتىراۋ. قازاقپارات - قازاقستاندىق ارالاس جەكپە-جەك شەبەرى قۋات حاميتوۆ (24-7-2) اتىراۋدا Mergen Fighting Championship 4 تۋرنيرىنە قاتىسىپ، قارسىلاسىن جەڭىپ شىقتى، دەپ حابارلايدى قازاقپارات Sports.kz سايتىنا سىلتەمە جاساپ.

قۋات حاميتوۆتىڭ قارسىلاسى وزبەكستاندىق بوبۋر ابدۋلازيزوۆ (12-9) بولدى.

ايتا كەتەيىك، قۋات رەسەيلىك اكوپ ستەپانيانعا (27-13) قارسى شىعۋى كەرەك بولاتىن. وكىنىشكە قاراي رەسەيلىك قازاقستانعا كەلە المادى.

قۋات حاميتوۆ پەن بوبۋر ابدۋلازيزوۆتىڭ كەزدەسۋى ورتا سالماقتا بولدى جانە ول ءۇش راۋندقا سوزىلۋى ءتيىس ەدى. الايدا قازاقستاندىق سپورتشى قارسىلاسىن ەكىنشى راۋندتا بۋىندىرۋ ادىسىمەن جەڭدى.

قۋات حاميتوۆ كاسىبي مانسابىنداعى 25-جەڭىسىنە قول جەتكىزدى. ال بوبۋر ابدۋلازيزوۆ 10-رەت جەىڭىلىسكە ۇشىرادى.