ەرلان قارين شەتەلدىك ب ا ق وكىلدەرىمەن كەزدەستى
كەزدەسۋگە ەۋروپا، ازيا، سولتۇستىك افريكا جانە ت م د سەكىلدى 37 مەملەكەتتەن كەلگەن 43 شەتەلدىك ب ا ق وكىلى قاتىستى.
ەرلان قارين بۇل سايلاۋدىڭ نەگىزى ءبىر جىل بۇرىن، ياعني پرەزيدەنت ءوز جولاۋىندا كەشەندى رەفورمالار باعدارلاماسىن ۇسىنعان كەزدە قالانعانىن ايتتى.
مەملەكەتتىك كەڭەسشى جۇزەگە اسىرىلىپ جاتقان ساياسي رەفورمالار سايلاۋ جۇيەسىنە اسەر ەتكەنىن، سونىڭ ناتيجەسىندە پارتيالار اراسىنداعى باسەكەلەستىك پەن ازاماتتىق بەلسەندىلىكتىڭ ارتۋىنا جاعداي جاسالعانىن اتاپ ءوتتى.
«الداعى سايلاۋ پرەزيدەنتتىك رەفورمالار باعدارلاماسى اياسىندا ىسكە اسقان مەملەكەتتىك ينستيتۋتتاردى جۇيەلى ترانسفورماتسيالاۋ جۇمىسىنىڭ قورىتىندىلاپ، مەملەكەتتىك-ساياسي جۇيەنىڭ مۇلدەم جاڭا مودەلگە كوشكەنىن كورسەتەدى»، - دەدى ەرلان قارين.
بريفينگ بارىسىندا مەملەكەتتىك كەڭەسشى شەتەلدىك جۋرناليستەردىڭ قازاقستاننىڭ ىشكى ساياسي پروتسەستەرىنە قاتىستى ءبىرقاتار سۇراعىنا جاۋاپ بەردى.