ءماجىلىستىڭ تاراتىلۋى: پارلامەنت فۋنكتسيالارىن سەنات قالاي اتقاردى

استانا. قازاقپارات - سەنات ءتوراعاسى ماۋلەن اشىمبايەۆ قاڭتار ايىنان بەرى زاڭ قابىلداۋ قىزمەتىن اتقارىپ كەلگەن پالاتا جۇمىسىن قورىتىندىلادى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ 2023-جىلعى 19- قاڭتارداعى جارلىعىمەن جەتىنشى سايلانعان ق ر پارلامەنتىنىڭ ءماجىلىسى تاراتىلدى. كونستيتۋتسياعا سايكەس، ءماجىلىس ۋاقىتشا بولماعان كەزەڭدە پارلامەنتتىڭ كونستيتۋتسيالىق زاڭدار مەن زاڭدار قابىلداۋ جونىندەگى فۋنكتسيالارى سەناتقا جۇكتەلدى. سوعان بايلانىستى وسى ەكى ايدا سەنات 36 زاڭ قابىلدادى. ولاردىڭ توعىزى پارلامەنت دەپۋتاتتارىنىڭ باستاماشى بولۋىمەن ازىرلەندى. جالپى، وسى ارالىقتا قابىلدانعان زاڭدار پرەزيدەنتتىڭ تاپسىرمالارىن ورىنداۋعا جانە اسا ماڭىزدى ماسەلەلەردى شەشۋگە ارنالعان. بۇل زاڭدار حالىقتىڭ ءال-اۋقاتىن جاقسارتۋعا، ەلىمىزدىڭ قارجىلىق جانە الەۋمەتتىك تۇراقتىلىعىن قامتاماسىز ەتۋگە، سونداي-اق مەملەكەتتىك قۇقىقتىق ساياساتتى جەتىلدىرۋگە سەپتىگىن تيگىزەدى دەپ سەنەمىز»، - دەدى ماۋلەن اشىمبايەۆ سەناتتىڭ جالپى وتىرىسىندا.

پالاتا ءتوراعاسى كەيىنگى ەكى ايدا سەنات پارلامەنتتىڭ كونستيتۋتسيالىق زاڭدار مەن زاڭدار قابىلداۋ جونىندەگى فۋنكتسيالارىن ورىنداعانىن ايتىپ، وسى جۇمىستى قورىتىندىلادى. وسى ورايدا ول ناتيجەلى جۇمىس اتقارعان سەناتورلارعا العىس ايتتى.

ەسكە سالساق، مەملەكەت باسشىسى جەتىنشى سايلانعان ق ر پارلامەنتىنىڭ ءماجىلىسىن تاراتۋ جانە ق ر پارلامەنتى ءماجىلىسى دەپۋتاتتارىن كەزەكتەن تىس سايلاۋ تۋرالى جارلىققا قول قويدى.

ءماجىلىس دەپۋتاتتارىن كەزەكتەن تىس سايلاۋ 2023-جىلعى 19- ناۋرىزعا بەلگىلەندى.

وسى ورايدا بيىل قاڭتار ايىندا جەتىنشى سايلانعان ق ر پارلامەنتى ءماجىلىسىنىڭ تاراتىلۋىنا قاتىستى پارلامەنت فۋنتسيالارىن سەنات اتقارىپ كەلدى.