رەدجەپ تايپ ەردوعانعا پرەزيدەنت سايلاۋىندا ساتتىلىك تىلەيمىن - قاسىم-جومارت توقايەۆ

None
انكارا. قازاقپارات – ق ر پرەزيدەنتى قاسىم-جومارت توقايەۆ تۇركى مەملەكەتتەرى ۇيىمىنىڭ «اپات جانە توتەنشە جاعدايلار مەنەدجمەنتى، گۋمانيتارلىق كومەك» اتتى كەزەكتەن تىس سامميتىندە سويلەگەن سوزىندە رەدجەپ تايپ ەردوعانعا پرەزيدەنت جانە پارلامەنت سايلاۋىندا ساتتىلىك تىلەدى، دەپ حابارلايدى قازاقپارات اقورداعا سىلتەمە جاساپ.

«قيىن ساتتە حالىقارالىق قاۋىمداستىقتىڭ تۇرىك حالقىنا قولداۋ كورسەتۋى رەدجەپ بەيدىڭ جوعارى بەدەلى مەن ەلىنە جاساپ جاتقان رياسىز قىزمەتىنىڭ ناتيجەسى دەپ سانايمىن.

بيىل تۇركيا رەسپۋبليكاسىنا 100 جىل تولادى. بۇل - ۇلكەن تاريحي مەجە. تۇركيا قىسقا مەرزىمنىڭ ىشىندە قۋاتتى، ىقپالدى مەملەكەتكە اينالدى. ونىڭ حالىقارالىق ىقپالى جانە بەدەلى، راسىندا وتە كۇشتى. وسى جەردە رەدجەپ تاييپ ەردوعاننىڭ ەڭبەگى جانە ۇلەسى ايقىن. ونى بۇكىل الەم مويىنداپ جاتىر.

وسى رەتتە، قادىرمەندى رەدجەپ تايپ ەردوعان مىرزاعا الداعى پرەزيدەنت جانە پارلامەنت سايلاۋىندا ساتتىلىك تىلەيمىن. تۇرىك جۇرتى سىزگە بارىنشا قولداۋ كورسەتەدى دەپ سەنەمىن»، - دەدى قاسىم-جومارت توقايەۆ.

سوڭعى جاڭالىقتار