قازاقستان تۇركياداعى اپات ايماعىندا الەۋمەتتىك نىسان سالىپ بەرۋگە دايىن

انكارا. قازاقپارات - قازاقستان تۇركياداعى اپات ايماعىندا الەۋمەتتىك نىسان سالىپ بەرۋگە دايىن.

بۇل تۋرالى ق ر پرەزيدەنتى قاسىم-جومارت توقايەۆ تۇركى مەملەكەتتەرى ۇيىمىنىڭ «اپات جانە توتەنشە جاعدايلار مەنەدجمەنتى، گۋمانيتارلىق كومەك» اتتى كەزەكتەن تىس سامميتىندە مالىمدەدى، دەپ حابارلايدى قازاقپارات اقورداعا سىلتەمە جاساپ.

«جۇمىلا كوتەرگەن جۇك جەڭىل» دەيدى حالقىمىز. ءبىز باۋىرلاس تۇركياعا ودان ءارى قولداۋ كورسەتۋگە دايىنبىز. وسى ورايدا، اپات ايماعىندا الەۋمەتتىك نىسان سالىپ بەرۋگە دايىن ەكەنىمىزدى ايتقىم كەلەدى. بۇل باۋىرلاس تۇرىك حالقىنا شىنايى ءىلتيپاتىمىزدىڭ كورىنىسى بولاتىنىنا سەنىمدىمىن»، - دەدى قاسىم-جومارت توقايەۆ.

ەسكە سالساق، كەشە تۇندە قاسىم- جومارت توقايەۆ ت م ۇ- نىڭ كەزەكتەن تىس سامميتىنە قاتىسۋ ءۇشىن انكاراعا جۇمىس ساپارىمەن باردى.

بۇگىن مەملەكەت باسشىسى تۇركيا پرەزيدەنتى رەجەپ تايپ ەردوعانمەن كەزدەستى.