كوميتەت شەتەلدەن قارجى الاتىن تۇلعالاردىڭ ءتىزىمىن جاساۋعا قاتىستى تۇسىنىكتەمە بەردى

None
استانا. قازاقپارات - مەملەكەتتىك كىرىستەر كوميتەتى شەتەلدەن قارجى الاتىن تۇلعالاردىڭ ءتىزىلىمىن جاساۋعا قاتىستى تۇسىنىكتەمە بەردى، دەپ حابارلايدى قازاقپارات.

«2018 -جىلدان بەرى سالىق كودەكسىمەن شەت مەملەكەتتەردەن، شەتەلدىكتەردەن، حالىقارالىق جانە شەتەلدىك ۇيىمداردان اقشا نەمەسە وزگە دە مۇلىك العان تۇلعالارعا مەملەكەتتىك كىرىستەر ورگاندارىنا ەسەپتىلىك بەرۋى تۋرالى تالاپ ەنگىزىلگەن بولاتىن. 2022 -جىلى سالىق كودەكسىنىڭ 29-بابىنا تۇزەتۋلەر ەنگىزىلدى، وعان سايكەس مەملەكەتتىك كىرىستەر كوميتەتى ءوزىنىڭ ينتەرنەت- رەسۋرسىندا شەتەلدىك كوزدەردەن اقشا نەمەسە وزگە دە مۇلىك العان تۇلعالاردىڭ ءتىزىلىمىن جاريالايدى. كورسەتىلگەن ءتىزىلىم ءتيىستى ەسەپتىلىكتى ۇسىنعاننان كەيىن 2023 -جىلدىڭ 1 –جارتى جىلدىعىنىڭ قورىتىندىسى بويىنشا ورنالاستىرىلادى»، - دەلىنگەن كوميتەت حابارلاماسىندا.

كوميتەت بۇل شارا ازاماتتاردىڭ مەملەكەتكە، ۇكىمەتتىك ەمەس ۇيىمدارعا دەگەن سەنىمىن ارتتىرۋعا مۇمكىندىك بەرەدى دەدى.


سوڭعى جاڭالىقتار