ەڭبەك كودەكسىنە دەمالىس كەزىندەگى جۇمىستان باس تارتۋ قۇقىعى ەنگىزىلەدى - مينيستر
جۇمىسشىلار ەڭبەك كودەكسىنە ەنگىزىلگەن وسى وزگەرىستى العا تارتىپ، كەستەدەن تىس جۇمىستان باس تارتا الادى، دەپ حابارلايدى قازاقپارات ءتىلشىسى.
بۇل جايىندا نورما ەڭبەك جانە حالىقتى الەۋمەتتى قورعاۋ ءمينيسترى تامارا دۇيسەنوۆا سەنات كۋلۋارىندا ايتتى.
«جۇمىس بەرۋشى ازاماتتاردى مەيرام كۇندەرى نەمەسە جۇمىس ۋاقىتى بىتكەننەن كەيىن جۇمىسقا تارتاتىن بولسا، جۇمىسكەرگە حابارلاما بەرۋ كەرەك. جۇمىسكەر ول حابارلاماعا كەلىسەتىنىن كورسەتىپ جانە جەدەل جاردەم ماسەلەلەرىنە قاتىسى جوق»، - دەدى مينيستر.
ونىڭ سوزىنە قاراعاندا، ەڭبەك كودەكسىندەگى جاڭا نورماداعى وسى قۇقىعىن پايدالانعان ادامداردى ەشكىم جۇمىستان شىعارا المايدى.
«بۇل جەردە ەڭبەك شارتىندا نە جازىلعانىنا بايلانىستى. ەڭبەك شارتىندا قوسىمشا جۇمىس ۋاقىتتارى تۋرالى ايتىلعان بولسا، قالىپ ىستەيسىز. ال ەڭبەك شارتىندا ناقتى ۋاقىت بەرىلگەن بولسا، سول ۋاقىتتا عانا جۇمىس ىستەي الاسىز»، - دەدى ۆەدومستۆو باسشىسى.