مەملەكەت باسشىسى تۇركيا پرەزيدەنتىمەن كەزدەستى

None
انكارا. قازاقپارات - مەملەكەت باسشىسى قاسىم- جومارت توقايەۆتۇركيا پرەزيدەنتى رەجەپ تايپ ەردوعانمەن كەزدەستى، دەپ حابارلايدى اقوردا.

قاسىم- جومارت توقايەۆ انكاراعا جۇمىس ساپارى بارىسىندا تۇركيا پرەزيدەنتى رەجەپ تايپ ەردوعانمەن كەزدەسۋ وتكىزدى. مەملەكەت باسشىسى قوناقجايلىق كورسەتىپ، قۇرمەتپەن قارسى العانى ءۇشىن رەجەپ تاييپ ەردوعانعا ريزاشىلىعىن ءبىلدىردى.

مەملەكەت باسشىسى، ەڭ الدىمەن، جويقىن جەر سىلكىنىسىنەن زارداپ شەككەن تۇركيا حالقىنا كوڭىل ايتتى.

«مارقۇمداردىڭ تۋعان- تۋىستارىنا، وزىڭىزگە جانە بۇكىل تۇركيا حالقىنا تاعى دا كوڭىل ايتامىن. تۇركيا - ءارقاشان قيىندىققا قارسى تۇرا بىلگەن مەملەكەت. سىزدەر مول تاجىريبە مەن ەل بىرلىگىنىڭ ارقاسىندا بۇل قيىندىقتى ەڭسەرىپ شىعاسىزدار دەپ سەنەمىن»، - دەدى قاسىم- جومارت توقايەۆ.

پرەزيدەنت قاۋىپ- قاتەرگە قاشان دا دايىن بولۋ كەرەك ەكەنىن اتاپ ءوتىپ، توتەنشە جاعدايلار سالاسىنداعى ىنتىماقتاستىقتى دامىتۋدىڭ ماڭىزدىلىعىنا توقتالدى. وسى ورايدا «اپات جانە توتەنشە جاعدايلار مەنەدجمەنتى، گۋمانيتارلىق كومەك» تاقىرىبىندا ءوتىپ جاتقان ءسامميتتى وتە قاجەتتى ءىس- شارا دەپ ەسەپتەيتىنىن جەتكىزدى.

«تابيعي اپات كەزىندە مەملەكەتتەردىڭ ءبىر- بىرىنە كومەك كورسەتۋى اسا ماڭىزدى. بۇعان وسى جولى تاعى دا كوزىمىز جەتتى. باۋىرلاس ەل قيىندىققا تاپ بولعاندا تۇركى جۇرتى اۋىزبىرشىلىك پەن جاناشىرلىقتىڭ وزىق ۇلگىسىن كورسەتتى. قازاقستان دا تۇرىك باۋىرلارعا بىردەن قول ۇشىن سوزدى»، - دەدى مەملەكەت باسشىسى.

سونىمەن قاتار پرەزيدەنت تۇركيا قازاقستاننىڭ باستى ساۋدا سەرىكتەستەرىنىڭ ءبىرى ەكەنىن ايتتى.

«تۇركيا قازاقستاننىڭ باستى بەس ساۋدا سەرىكتەسىنىڭ قاتارىنا كىرەدى. بىلتىر ەكى ەل اراسىنداعى ساۋدا اينالىمى 33 پايىزعا ءوسىپ، 6,3 ميلليارد دوللارعا جەتتى. بۇل - جۇيەلى جۇمىستىڭ ناتيجەسى. قازاقستاننىڭ تاۋارلارىن تۇركيا نارىعىنا كوپتەپ شىعارۋعا مۇمكىندىك بار»، - دەدى مەملەكەت باسشىسى.

قاسىم- جومارت توقايەۆ تۇرىك ينۆەستورلارىنىڭ قازاقستانداعى جوبالارىن قولداۋعا دايىن ەكەنىن جەتكىزدى. سونداي- اق كەزدەسۋ بارىسىندا «ورتا ءدالىز» دەپ اتالاتىن ترانسكاسپي حالىقارالىق كولىك باعىتى اسا ماڭىزدى ءرول اتقاراتىنى ءسوز بولدى. قازاقستان تاراپى الەۋەتى مول وسى كولىك- لوگيستيكالىق باعداردى دامىتۋ ءۇشىن ورتاق ينفراقۇرىلىمدىق جوبالاردى جۇزەگە اسىرۋعا دايىن ەكەنىن مالىمدەدى.

ءوز كەزەگىندە رەجەپ تايپ ەردوعان شاقىرۋىن قابىل الىپ، انكاراعا كەلگەنى ءۇشىن قاسىم- جومارت توقايەۆقا العىس ايتتى.

«تۇركياعا كەلگەنىڭىزگە قۋانىشتىمىن. الاپات جەر سىلكىنىسىنەن 49 مىڭ ادام قازا تاپتى. وسىنداي قيىن ساتتە العاشقى بولىپ تەلەفون شالعان الەمدىك كوشباسشىلاردىڭ ءبىرى ءوزىڭىز بولدىڭىز. قازاقستاننىڭ قۇتقارۋشىلارى زارداپ شەككەن ازاماتتارىمىزدى قۇتقارۋعا اتسالىستى. ءبىز شىنايى باۋىرمالدىقتى سەزىندىك»، - دەدى تۇركيا پرەزيدەنتى.

سونداي- اق رەجەپ تاييپ ەردوعان كەيىنگى جىلدارداعى ەكىجاقتى ساپارلار ناتيجەسىندە بارلىق سالادا ءوسىم بار ەكەنىن، جىل سوڭىنا دەيىن تاۋار اينالىمىن 10 ميلليارد دوللارعا دەيىن جەتكىزۋ قاجەتتىگىن ايتتى. تۇركيا باسشىسى كولىك سالاسىندا ورتا ءدالىز الەۋەتىن تولىق پايدالانۋ كەرەكتىگىن دە اتاپ ءوتتى.

سونىمەن قاتار كەزدەسۋدە ەكى ەل اراسىنداعى ساۋدا، ەكونوميكا، ينۆەستيتسيا، كولىك- لوگيستيكا، ەنەرگەتيكا سالالارىنداعى ىنتىماقتاستىقتى نىعايتۋعا باسا ءمان بەرىلدى. پرەزيدەنتتەر حالىقارالىق كۇن تارتىبىندەگى وزەكتى ماسەلەلەر جونىندە دە پىكىر الماستى.

ەسكە سالساق، كەشە تۇندە قاسىم- جومارت توقايەۆ ت م ۇ- نىڭ كەزەكتەن تىس سامميتىنە قاتىسۋ ءۇشىن انكاراعا جۇمىس ساپارىمەن باردى.

سوڭعى جاڭالىقتار