عالىمجان ءپىرماتوۆ: ۇلتتىق بانك سايلاۋ الدىندا تەڭگە باعامىنا اسەر ەتىپ وتىرعان جوق

استانا. قازاقپارات - ۇلتتىق بانك ءتوراعاسى عالىمجان ءپىرماتوۆ سەنات كۋلۋارىندا تەڭگە باعامى سايلاۋ قارساڭىندا قولدان رەتتەلىپ وتىرعانى تۋرالى مالىمەتكە پىكىر ءبىلدىردى، دەپ حابارلايدى قازاقپارات ءتىلشىسى.

«ءبىز ۆاليۋتا نارىعىنداعى ارەكەتتەرىمىزدىڭ ءبارىن اشىق جۇرگىزىپ كەلەمىز. التىن- ۆاليۋتا رەزەرۆىن ينتەرۆەنتسيالاۋدى عانا ەمەس، ۇلتتىق قوردان ۆاليۋتا ساتۋ ارەكەتتەرىن دە، ءبىرىڭعاي زەينەتاقى قورى بويىنشا دا اشىق مالىمەت بەرىپ وتىرمىز. وسى اشىقتىقتى ءارى قاراي دا جالعاستىرامىز. سوندىقتان ۇلتتىق بانك سايلاۋدىڭ الدىندا تەڭگە باعامىنا قانداي دا ءبىر جولمەن اسەر ەتىپ جاتقانى تۋرالى قاۋەسەتتەر شىندىققا جاناسپايدى»، - دەدى ۇلتتىق بانك باسشىسى.