ەلىمىزدىڭ قاي وڭىرىندە ەرلى-زايىپتىلار ءجيى اجىراسادى

استانا. قازاقپارات - ەلىمىزدە ەڭ كوپ نەكە الماتى قالاسىندا تىركەلەدى ەكەن.

ايتا كەتەرلىگى، اجىراسۋ بويىنشا دا اتالعان قالا الدىڭعى ورىندا تۇر، دەپ حابارلايدى قازاقپارات Ranking.kz رەسۋرسىنا سىلتەمە جاساپ.

وتكەن جىلى ەلىمىزدە 128,5 مىڭ جۇپ نەكەسىن قيدىردى. بۇل 2021 -جىلمەن سالىستىرعاندا 8,4 پايىزعا از.

قالالاردا نەكە قيدىرۋ كورسەتكىشى ءبىر جىلدا پايىزعا، (85,5 مىڭعا دەيىن) قىسقاردى، ال اۋىلداردا كەرىسىنشە، 5,4 پايىزعا (43,1 مىڭعا دەيىن) ءوستى.

بىلتىر ەلىمىزدە 17,7 مىڭ جۇپ اجىراسقان، ءبىر جىل بۇرىنعىعا قاراعاندا 8,1 پايىزعا ازايعان. قالالاردا اجىراسۋ سانى ءبىر جىلدا 11,9 پايىزعا (13,1 مىڭعا دەيىن) ازايسا، اۋىلداردا 4,7 پايىزعا ياعني 4,6 مىڭعا ارتقان.

وڭىرلەر بويىنشا ەڭ كوپ نەكە (13,6 مىڭ) الماتىدا تىركەلگەن. اتالعان كورسەتكىش ءبىر جىل بۇرىنعىعا قاراعاندا 27,6 پايىزعا از.

ودان ءارى ۇشتىككە حالىق تىعىز قونىستانعان تۇركىستان وبلىسى (جىلىنا 13,3 مىڭ، مينۋس 4 پايىز) جانە استانا قالاسى (10,7 مىڭ، مينۋس 12,7 پايىز) كىرەدى.

ەڭ از نەكە ۇلىتاۋ وبلىسىندا تىركەلىپ وتىر.

اجىراسۋ سانى بويىنشا الماتى (2,3 مىڭ)، استانا جانە قاراعاندى وبلىسى (ءار وڭىردە 1,6 مىڭ اجىراسۋ) الدىڭعى قاتاردا.

ال ۇلىتاۋ، قىزىلوردا جانە ماڭعىستاۋ وبلىسىندا اجىراساتىندار قاتارى از.

ەلدەگى نەكە كوەففيسيەنتى 1000 ادامعا شاققاندا 7,29 دان 6,46 عا دەيىن تومەندەدى. نەكەنىڭ ەڭ جوعارى كوەففيسيەنتى ەلورداعا تيەسىلى.

اتاپ ايتقاندا، 1000 ادامعا شاققاندا 7,72 قۇرايدى. كوشباسشىلار ۇشتىگىنە الماتى جانە قاراعاندى وبلىسى كىرەدى.

قازاقستاندا اجىراسۋ كوەففيسيەنتى دە 1000 ادامعا 1 دەن 0,89 عا دەيىن تومەندەگەن.

وڭىرلەر بويىنشا جوعارى كوەففيسيەنتتەر ش ق و، قاراعاندى جانە پاۆلودار وبلىسىنا، ال ەڭ ازى تۇركىستان وبلىسىندا تىركەلدى.

ب ۇ ۇ- نىڭ دەرەكتەرىنە سايكەس، ت م د ەلدەرى اراسىندا 2021 -جىلى ەڭ جوعارى نەكە كوەففيسيەنتى وزبەكستاندا تىركەلدى (1000 ادامعا 8,8) تىركەلدى.

ەكىنشى جانە ءۇشىنشى ورىندا مولدوۆا مەن قىرعىزستان (1000 ادامعا 8,6 جانە 7,6) ورنالاسقان.

قازاقستانعا كەلسەك، كوەففيسيەنت 1000 ادامعا شاققاندا 7,4 قۇرادى. ودان ءارى بەلارۋس 6,4، ءازىربايجان 5,6، ارمەنيا 4,1 جانە ۋكراينا 4.

اجىراسۋدىڭ ەڭ جوعارى كورسەتكىشى مولدوۆادا بايقالدى، 1000 ادامعا شاققاندا 3,8 كەلەدى. ودان كەيىن بەلارۋس پەن ۋكراينا (1000 ادامعا 3,7 جانە 2,9) كەلەدى.

قازاقستاندا كوەففيسيەنت 1000 ادامعا 2,5 قۇرادى. سونىمەن قاتار قىرعىزستاندا 1,8، ءازىربايجاندا 1,7، وزبەكستاندا جانە ارمەنيادا 1,1.